شهد
03 Apr 2011, 08:58 مساء
[COLOR="Red"]
هذا الشاب نشأ في مدينة حفر الباطن واقتنع ان تسليتة التي تغنية عن اي صديق هي كتابة الروايات والقصص وهو في بداية عمره رغم الصعوبات التي يواجهها هذا الشاب الا انه استطاع ان يكرس معضم وقتة بكتابة القصص مع انه لازال يكمل دراستة الثانوية اتمنى من الله جل جلاله ان يوفقة ويمدة بقوة التعبير وايجاز جميل ...
اما الان اترككم مع قصة هذا الشاب التي تتكلم عن حياة شاب اسمه (فهد) يتيم مع اختة الغاليه (غالية) سترون في هذه القصة يااخواني حياة كثرة فيها العقبات والصعوبات والتحديات...
ياترا هل يستطيع غلب كل المصاعب وينشأ نشأه سليمة ام انه يستسلم للأمر الواقع
هذا ماسترونه الان...
- - - - - - -- - - - - - - - - - - - - - - - - - - - - - - - - - - - - - - -
?™'~، دMــعــه أمــلـ ،~'™?
تأليفـ...
_.:§[[ ما يكبرني لقب ]]§:._
دمعه أمل....
بسم الله الرحمن الرحيم
0000000000000000000000
فتحت عيوني على الدنيا من غير أم .... حرمت من السعاده
اللي يدورها كل طفل .... حرمت من الحنان .... حرمت من العيش وسط عائله .... حرمت من الاصدقاء .... حرمت
حرمت حرمت من كل شيئ حرمت.
ربتني اختي الكبيره غاليه
اللي تركت الدراسه من الصف السادس عشان تربيني
اسمها غاليه وكانت غاليه على قلبي.
غاليه: يالله فهودي نام عشان
بكرا اول يوم لك بالدراسه.
فهودي: مابي انا ابغى اسهر
معاك.
غاليه: فهد يالله قوم.
فهد: طيب طيب.
قمت زعلان وماخذ على خاطري من الغاليه.
غاليه: وين رايح.
رديت بعصبيه: ابي انام.
تظاهرت غاليه انها تبكي وقالت: افا تبي تزعلني.
وبعصبيه رديت: ليه ماسويت شئ.
غاليه: كيف تروح تنام من غير
لا تعطيني بوسه تبي تزعلني.
فهد: اووووووووه نسيت والله.
اختفت العصبيه وتظاهرت الابتسامه البريئه على وجهي
واحتضنت الغاليه بكل حب وغرام وعطيتها بوسه لاكنها
كالعاده تقول ابي احلا ابي احلا°°°°وانا بعد اضل ابوسها
وهي تظحك.
مشيت للغرفه وتركت ابوي واختي الغاليه:
غاليه: وشفيك من اليوم ساكت
فيك شي يبو فهد.
الوالد: اه يابنتي فهد كبر وانا على دراجه ما أقدر اتحرك واصرف عليه وعليك°°°°ما عندي إلا معاش الشؤن ولا يكفي.
غاليه: انا و فهد مو محتاجين شي°°°°لا تفكر وتنقل همنا
ريح بالك يالغالي.
الوالد: لا يا بنتي لا تكذبين على نفسك °°°°انتي عارفه
ان فهد كبر وراح تكثر طلباته
وانتي بعد طالعي يابنتي بنفسك لا لبس زين حتى ذهب
نفس باقي البنات ما عندك.
°°°°°°°°نزلت دمعه على خد
غاليه.....
غاليه: انا مو محتاجه الا لك يالغالي°°°°انت العضيد بعد الله°°°°انت الستر بعد الله°°°
انت نور البيت بعد الله°°°°لا ذهب الدنيا ولا فلوس الدنيا تغنينا عن شوفتك وضحكتك وعطفك علينا.
الوالد: يا بنتي انتي مافكرتي
اذا انا مت وين تروحين انتي
وفهد وش راح يصير بحالكم
بعدي فكري يابنتي للمستقبل
مو دايم غير الله.
غاليه: بعد الشر يبه لا تقول كذا.
الوالد: مودايم غير وجه الله
يابنتي.
°°°°°°°°
°°°°°°°°
بكت غاليه من كل قلبها وبعدها
قامت وحبت راس ابوها
وودته لغرفته .
راحت غاليه لغرفتها
واول ما نامت جاها حلم
واضح تفسيره:
حلمت انها تمشي بالبيت
مشي الضائع واللي موحاس بنفسه والبيت مضلم ماعدا لمبه
وحده منوره فجأه وبدون
سبب انكسرت اللمبه وطاحت كسرها على وجه غاليه
وبدأ ينزف وجه غاليه دم
ولاكن المصيبه ان ابواب وجدران وشبابيك البيت بدت تبكي°°°°°°°°حتى ان غاليه
بدت تبكي من بكاء البيت المحزن.
صحت غاليه بسبب صوت والدها اللي ينادي باسمها
°°°°غاليه°°°°
فزعت وركضت على ابوها
وهي تبكي وخايفه من حلمها
وحاسه ان الحلم هذا راح يتحقق°°°°
دخلت على ابوها:
غاليه: يبه وشفيك .
الوالد: صحي فهد ياغاليه.
غاليه: ليه يبه فيك شي.
الوالد وبصوت شاحب: صحيه
بسرررعه تكفين انا اترجاك.
اسرعت غاليه على غرفه فهد
والدموع على خدها.
سحبت فهد وشالته وقعدت تصارخ عليه وهو نايم
ليما قعد.
غاليه: هذا فهد.
بعد ما شاف وجه ابوه حس بخوف داخله طير النوم من عيونه وقال فهد والدموع على خده: يبه انا عارف وش تبي تقول تبي توصيني على غاليه لاكن انا ما يحتاج توصيني هذي الغاليه
هذي امي هذي اخوي هذي صديقي قبل لا تصير اختي
هذي اللي رعتني وانا راح احطها بعيوني.
قاطعته غاليه: انت شقاعد تقول .
الوالد: خليه يا غاليه الحين انا
اموووووووت وانا مرتاح.
اشهد ان لا اله الا الله
صاحت غاليه باعلى صوتها وهي تحرك كتوف ابوها وتنادي يبه إرجع وحست إن كل ما بالبيت يبكي معاها
وفهد طلع برا ودق الباب على جارهم ابو ابراهيم إمام المسجد وهو يصيح ويصارخ.
صار العزا ببيت ابو ابراهيم لان غاليه وفهد ما ذكر ابوهم ان لهم قرايب.
جت غاليه على صاله العزا للحريم وثنت على ركبها ونزلت راسها وقالت بنص الحريم وبصوت عالي وباكي:
راح العزيز وهلت عيوني مدامعها
راح الذي من عقب فرقاه
بنبتلي
وضلت تردده وتعيده الى ان شالنها الحريم وودنها غرفه النوم.
اما فهد فكان كلام الرجال
كانو مستغربين منه ما
بكى ولا نزلت دمعه من
عينه قدامهم.
كان صامد وخانق العبره
ولا يبي يبكي قدام الرجال
مع ان عمره سبع سنين.
مضى اسبوع على وفات
ابو فهد الله يرحمه
وبدا بالدوام فهد على طول
وهذا اللي خلى جيرانهم
تستغرب°°°°°°°°°°°°°°°°
لاكنهم عرفو ان فهد يبي يرفع راس ابوه ويعوض اخته عن حيات الشقى.
كان فهد أول مايطلع من المدرسه كان يركض على طول على البيت °°°° عشان
اخته لانه لحاله بالبيت °°°°
لا كن في يوم من الأيام جى على البيت ولقى سياره واقفه قدام بيتهم وفيه
رجال راكب داخل السياره
وكأنه ينتضر شي °°°° اسرع
فهد باتجاه السياره ومسك عصا وضرب زجاج السياره من الجنب على الخفيف:
الرجال: هلا فهد كيف حالك يا ولدي.
فهد: انت شعندك عند بيتنا وش
تبي.
الرجال: طيب ليه معصب بعدين انا قلتلك كيف الحال.
فهد: انا بخير بس ما قلتلي انت ليه واقف هنا.
الرجال: يا فهد انا جايب لكم اغراض انتم بحاجه لها.
عصب فهد وقال: حنا مو بحاجه صدقات لم اغراضك
وجزاك الله خير ولو سمحت
يا عمي ثاني مره لا تجيب
اشياء لنا °°°°°°°°
قاطعه الرجال وقال: يافهد
انت عارف انكم محتاجين بعدين من قال لك انها صدقات هذي عطيه او هديه ولا تدري سلف وإذا الله فرجها عليك
رجعها لي .
طلعت حرمه من باب بيت فهد
وركبت السياره ومشى الرجال
من غير لا يسمح لفهد انه يكمل او يقول اي شي .
دخل فهد معصب :
فهد: غاليه غاليه.
غاليه: هلا فهد وشفيك تصارخ عسى ما شر .
فهد: يعني ما تدرين
ليه تسمحين لهم ينزلون لنا هذي الاغراض انتي ما تدرين
انه عيب ولو كان ابوي عايش كان طردهم .
غاليه: طيب يا فهد هذا مو حرام °°°° بعدين انت عارف اننا محتاجين ولا انت ناسي انه لك ثلاث ايام تنام من غير عشى ولا اذا تعشيت ما تغديت
انت عارف يا فهد ان الشؤن بدت تنقص من المعاش وانت عارف ان راتب التقاعد راح يشيلونه فكر يافهد من وين
راح ناكل من وين راح نلبس
حتى المكيف ما نشغله إلا وقت النوم °°°° فكر يا فهد فكر.
فهد: انا راح اشتغل واصرف عليك.
غاليه: هذا اخر شي نفكر فيه
يافهد °°°° انت الحين تدرس وبعد ما تخلص انشاء الله فكر
بالشغل.
فهد: لا كن......
غاليه: لا يا فهد انا مابي شي
يشغلك انت عليك الدراسه
تكفى ترا انا كل املي بالله
ثم بك لا تخيب ظني فيك
يا فهد انا اترجاك.
( لا تخيب ظني
فيك انا اترجاك )
كانت كلمات غاليه مؤثره على
فهد وكبيره عليه لا كنه وقف وقال: طيب يالغاليه بإذن الله راح ارفع راسك قدام العالم
كلها.
سكت فهد لاكن بعد ما شاف
بين الاغراض ظرف مكتوب
عليه
( جمعيه من اصحاب الخير )
استغرب فهد وغاليه
لاكن حبو يشوفون وش
داخله°°°°°°°°
فتحوه وكان فهد منصدم
لأنه لقى داخله عشره الاف ريال
زعل فهد ونزل راسه
والغريب انه بكى
فهد الصغير اللي ما بكى
على موت ابوه بكى على
اللي موجود بالظرف
وحس ان كرامته
اهتزت
هذا كان تفكير الولد الصغير فهد°°°°°°°°°°°°°°°°°°°°
فهد: غاليه انا مو راضي عن اللي يصير.
غاليه: ولا انا.
فهد: يعني وصلت فيهم انهم يجمعون فلوس لنا°°°°ليه
انا ابي اعرف ليه يسون كذا معي يعني يبون يهزون كرامتي°°°°المشكله انا ما شكيت لهم لاكن ما اقول الا الله يهديكم.
غاليه: فهد لا تكدر خاطرك.
فهد: غاليه انا كرهت الحاره هذي وكرهت الناس اللي فيها.
سكت وتحمل فهد على الحاره
اللي ما حست انها تجرحه بعطاياها °°°°°°°° الى ان
صار عمر فهد 18
واخته الغاليه 25
وبدا فهد يعتمد على نفسه اكثر
ومع درجاته العاليه بالدراسه
قدر يحقق الاول على مدرسته
لا كن الحقد والحسد لازم
يكون موجود في قلب راكان
وخالد °°°°°°°°
°°°° راكان و خالد °°°°
راكان: والله قهر والله قهر.
خالد: راكان وش فيك معصب.
راكان: بعد تقول وش فيك.
خالد: اي تكلم تراك رفعت ضغطي خلص عاد.
راكان: فهد ياخالد فهد.
خالد: ههههههههههه فهد المسكين هذا لاعب فيك لعب.
راكان: خالد تكفى فكني انا لازم اذبح فهد اقطه بالبحر اي شي.
خالد: طيب ليه؟
راكان: ياخي غاثني ورافع ضغطي ويعني تراه تكانه
بس انا ابي اسوي فيه شي
اخليه يترك الدراسه .
خالد: طيب الفكره عندي
لاكن ابي اعرف السبب.
راكان: السبب واضح.
خالد: واضح....ماني فاهم.
راكان: ايه واضح.....الحقد
والكره والبغض وفوق هذا
كله احس اني ناقص اذا وقفت
قدامه والمشكله انه يتيم يعني
فيه نقص وانا اللي فلوس واحلى عيشه احس بالنقص
قدامه.
خالد: ههههههههه
بس كذا يا حليلك
لاكن ما عليك وش رايك باللي
يخليه يمشي بين الناس وهو
منزل راسه.
راكان: منزل راسه.....!!!
خالد: ايه نعم منزل راسه.
راكان: طيب وشلون.......؟
خالد: انا اقول لك وشلون.......
فهد: غاليه.
غاليه: هلا فهودي.
فهد: يالليل كم مره قايلك انا
كبرت لاتنادي باسم الدلع.
غاليه: تضل صغير تضل طفل
يما أشوف عيالك.
فهد: اف اف اف عيالي....!!!
انا توني بال18 يعني كبيره
علي كلمه عيال
بعدين انا ما اتزوج الا لما
اصير خال فاهمه ولا لا.
غاليه: ههههههههههههه
لا يا فهودي انا ما راح اتزوج
خلاص راحت علي
منو ياخذني وانا يتيمه وفقيره وعمري فوق25
فكر يا فهودي ترا الدنيا مو على الكيف.
فهد: اذا جاب الله نصيب محد يقدر يرده.
غاليه: حتى لو جى انا يكفيني افرح فيك.
فهد: مو بكيفك لازم تشوفين
نفسك وتعيشين مستقره.
صحى فهد على صلاة الفجر
وقام على طول وصلى بالمسجد ورجع سوى فطور وقعد اخته غاليه من النوم
وافطرو مع بعض وجلس شوي مع اخته بعدها رتب كتبه ولبس ملابسه وطلع على
المدرسه.......
خالد و راكان كانو واقفين بزاويه البيت واول ما شافو فهد مشى للمدرسه على طول
طمرو جدار البيت ....
وكان باب البيت الداخلي منتهي
مره يعني اي ضربه قويه يطيح .... بالفعل ضرب خالد برجله الباب وطاح على الارض
ودخلو البيت....
صاحت غاليه بعد ما سمعت ضربه الباب بأعلى صوتها
((( فهد )))
لاكن طلع بوجها راكان وقال فهد ما راح يسمعك يا حلوه.
غاليه: انتم وش تبون ( بدت
تبكي غاليه ) .
خالد: نبيك انتي انتي.
غاليه: الله يخليكم الله يخليكم
اطلعو خافو من الله خافو لا يبتليكم الله بخواتكم الله يخليكم.
راكان: لا تحاولين ياحلوه
انا اموت فيك اموت بحلاتك
وماني ماشي إلا وانا ماخذ حاجتي منك.
خالد: يالله ياشطوره.
غاليه: الله يخليكم
احب رجولكم اطلعوا
ما تخافون ان الله
يقبض ارواحكم خافو الله....
راكان: اقول اص ولا نفس
يالله يالله......
وفعلا بعد ماكانو اثنينهم على
غاليه انتهو من عملهم الشنيع
الساعه 11 الظهر ويشهد الله كانت غاليه تدفاع عن شرفها
بشتى الطرق لاكن ماقدرت ..
لاكن قبل لا يطلعون صاحت غاليه وجهها غرقان بالدموع:
غاليه:
(( روحو عسى الله عسى
القادر عسى الناصر عسى المنتقم ينتقم لي ويبتليكم
بأهلكم ومرض بقلوبكم وتذكرو دعوتي ))
انتفض جسم راكان وحس برعب وطلع على طول وهو
حاس داخل جسمه شئ ينهش
من لحمه وحس بألم كبير في
كل مكان بجسمه حس بعذاب
حس بحسره حس بندم ....
استغرب خالد من راكان وطلع
يركض وراه .....
حست غاليه بدوخه لاكنها قامت بكل ثقل وهي مو في بالها
غير فهد تعلمه ولا لا واذا علمته وش راح يصير بدراسته
وش راح يصير بحاله ويمكن
يعرفهم ويروح عليهم ويذبحونه ...
لاكن مو معقوله فهد ما يدري
وهم اكيد راح ينشرونها
ويفتخرون بفعلتهم
ووقتها راح يموت فهد من القهر ......
قطع تفكيرها صوت فهد
اللي ارعبها ولخبط كيانها
وحاس معالم وجهها:
فهد: غاليه الباب ليه مكسور
باين انه جايته ضربه قو.....
وشفيه شعرك منفوش ووومن
طاقك انتي باكيه يا غاليه.
غاليه: أ أ أ أ انا باكيه ايه طحت من الدرج وتعورت
وبكيت والباب مدري مدري
الباب طاح من حاله.
فهد: كذابه.
غاليه: هاه.
فهد: كذابه.
غاليه: بكت غاليه من كل قلبها
وبدت تصيح بصوت عالي
وهي مو بوعيها
( آه آه يافهد آه ياخوي )
انهزت مشاعر فهد وصاح بوجهها ليه يالغاليه تبكين
اذا تذكرتي ابوي ابكي ياغاليه واذا احد مزعلك او ضاربك فاعرفي والله انه ماراح يمر عليه الليل.
سكتت غاليه فجأه وقالت تذكرت ابوي.
فهد: كذابه.
غاليه: ايه يافهد تذكرت
ابوي عن اذنك ابي ارتاح بغرفتي.
قام فهد من عندها وهو مو مصدقها ابدا لاكنه قال يمكن
تعلمني بعدين .
راحت غاليه تبكي بحسره وألم وهي عارفه ان اللي قالته لفهد حتى الطفل مايصدقه
.... لاكن مع هذا كله
خافت غاليه خوف مو طبيعي
وحست برعب داخلها مو عارفه
من ايش بدت ترجف بمكانها
وتصيح بأعلى صوتها فهد فهد
اخوي فهد فهد رد علي لاتخليني انت العضيد بعد الله
فهد لاتترك الغاليه
فهد تكفى ياخوي
انا اختك انا امك....
جاها فهد مثل البرق :
فهد: غاليه وش فيك تكلمي.
غاليه: انا حاسه اني راح اموت
حاسه بنار تحرق صدري.
فهد: طلعي النار يالغاليه وحطيها بصدري شيلي الموت
واهديه لروحي
(بكى فهد وكمل)
انتي الوصيه انتي الوصيه ولازم احافض عليك.
غاليه: لا يا فهد انت تركتني
انت ذبحتني انت ماحافضت علي انت اهدرتني.
فهد: انا ليه .....
غاليه: انا ابي اقول اللي صار قبل لا أموت.
فهد: انتي شتقولين انتي انجنيتي....
غاليه: اسكت واسمع.....
اليوم يوم رحت انت للمدرسه
بعد خروجك من البيت انكسر الباب واللي كسروه اثنين بعمرك ودخلو علي وضربوني
لأني رفضت طلبهم وحاولت والله ابعدهم عني لاكن ما قدرت وفعلا ياخوي قدرو علي وسوو سواتهم عسى الله ينتقم منهم...
فهد: غاليه انتي شتقولين
تمزحين ولا شلون ابي اعرف
تكلمي....
غاليه: آه ياخوي والله مو...
مو...
مو...
فهد....
( لا تخيب ظني فيك تكفى )
اشهد ان لا إله إلا الله
وأشهد ان محمد رسول الله
ماتت غاليه مقهوره
صاح فهد بأعلى صوته
الغاليه لا تروحين تكفين عيشي وشوفي اخوك وش راح يصير غاليه تكفين غاليه
ردي علي غاليه يمه يمه
غاليه يمه ردي علي انا ولدك يمه حرام عليك
رديــــــــــــ......
لاااااا
الله يلعنكم ..... الله يبتليكم
الله يحط بقلوبكم مرض
الله يحط بقلوبكم مرض
الله يحط بقلوبكم مرض
الله يحط بقلوبكم مرض
طلع جارهم ابو ابراهيم على صياح فهد مرعوب ويطق الباب كل ماعنده يطق حتى طلعو اغلب رجال الحاره وتجمعو عنده تحت الشمس الحارقه
لاكنهم ما استغربو لانهم سمعوا صوت فهد يوم قربو من البيت.......
فتح الباب فهد وهو شايل غاليه طلع وهو يصيح ويدعي
(الله يحط بقلوبكم مرض)
ثنى على ركبه بين الرجال
وصاح:
آآآه آآآه ياقهر
(الله يحط بقلوبكم مرض)
ابو ابراهيم: ياولدي ارحم نفسك والله يرحم اختك
بعدين منو اللي تدعي عليهم
اكيد هم اللي ذبحو اختك.
فهد: ماتت امي ماتت مقهوره
ماتت الغاليه....
وصلت الشرطه والإسعاف لأن واحد من الرجال اتصل عليهم.....
وبعد صراع وبصعوبه
قدرو رجال الشرطه والإسعاف انهم ياخذو جثمان
المرحومه من بين ايادي فهد....
عاش فهد متعذب عاش حزين
ويأس من الحياه اللي عذبته
كان يجلس بغرفه الغاليه
ايام ودمعته بعينه وهو لام ملابسها على قلبه وهو عايش
مع الماضي وناسي الحاضر
وناسي دراسته اللي ماطرت
على باله....
فجأه .... وبعد مرور شهر كامل من حزن فهد وجلسته داخل البيت اندق الباب:
فهد: طيب.
فتح الباب إلا خويه الروح بالروح سعد:
فهد: هلا سعد وش عندك جاي.
سعد: وش عندي جاي...!! والله
جاي اطالع فيك وامشي....
اقول وخر عن الباب لا بقس على جبهتك الحين.
فهد: سعد والله ماني رايق لك.
سعد: ليه الأخت حامل ولا ايش.
فهد: سعد يرحم والديك اسكت.....
دف الباب سعد ودخل ومسك فهد مع كتوفه وجره معه ودخله البيت وجلسو بالدوانيه....(مجلس الرجال)
سعد: وش فيك.
فهد:........
سعد: رد وش فيك.
فهد:........
سعد: فهد الموت حق وانا اخوك كلنا راح نموت لاكن هذا ما يعني ان اللي بقى يموت نفسه عشانهم .... لأ ... لازم نكمل مسيره حياتنا صح نزعل وصح نبكي لاكن مو على طول الدهر حتى الله يغضب علينا لأنا بهالطريقه نكون ممن اعترض على فعل الله صح كلامي ولا مو صح.
فهد:........
سعد: وبعدين.....
تبي تضل ساكت .
فهد: غاليه يا سعد غاليه ما خذه كل تفكيري ما اقدر اسوي شي إلا وغاليه بين عيوني .... وابوي يعاتبني ويقول ما صنت الأمانه يافهد
غاليه ياسعد ماتت بسبتي انا
الغلطان انا السبب انا اللي تركتهم انا اللي طلعت وتركتها بين ايدينهم المتوحشه انا
السبب....
سعد: وش قاعد تقول تركت منو ومتوحش منو...فهد غاليه
توفت وفاه طبيعيه هذا اللي صار.
فهد: لأ...
( نزل راسه وبكى )
غاليه ماتت مقهوره.
سعد: من شنو مقهوره.
قال فهد قصه اخته مع اللي اغتصبوها.
سعد: لا حول ولا قوه إلا بالله.
فهد: شفت انه انا السبب.
سعد: لا يا فهد انت مالك ذنب
انت لو تدري كان دافعت عنها
لاكنك ماتدري واللي ضرو غاليه ما راح ينساهم الله
حسابهم عند الله...
لاكن يافهد انت لازم تنفذ وصيه اختك.
فهد: اي وصيه...!
سعد: مو تقول قبل لا تموت قالت لك...
( تكفى لا تخيب ظني فيك )
خلاص ارفع راسها وراس ابوك واذا تبي ترفع روسهم لازم تكمل دراستك وتنجح وتشتغل وتكون بيت انت فاهم
ولا لا ... انا ارجوك يافهد
انت ناسي غلاتك عندي ولا ناسي اني مارديت لك طلب
لا تردني يا فهد.
فهد: هااااه ايه انشاء الله.
سعد: طيب انا اترخص وابي امرك بكرا نروح للمدرسه.
فهد: خلاص ابشر.
عائله ابو راكان
ابو راكان: ياولدي وش فيك
قولي وش فيك من اسبوعين
ما فارقت فراشك فيك شي
قول انا ابوك .... تكلمي
يا أم راكان قولي شي مو بس تبكين عليه.
ام راكان: وش اقول ولدي صايبته عين ولا سحر... انت لازم توديه للشيخ.
الأب: هذا اللي ابي اسويه.
وفعلا خذوه للشيخ:
الشيخ: وش فيه ولدكم.
الأب: ياشيخ ولدي من قبل اسبوعين جى على البيت يرجف ويصيح ويقول
(اتركيني يا غاليه)
وبعدها طاح على الأرض
ويديناه للمستشفيات ولا نفع
وبعدها سكت فجأه وصار يبكي وهو يضرب على قلبه
ويقول اتركيني يا غاليه.
الشيخ: طيب مني غاليه.
الأب: مدري والله.
الشيخ: راكان ياولدي منو غاليه.
راكان:....
قام الشيخ يبي يقرا عليه.
راكان: لاتقوم اللي فيني دعوه وصابت قلبي دعوه صابتني من فعل ايديني
انا اللي جاب لنفسه هذا العذاب انا اللي ضر نفسه
بنفسه لا تحاولون علاجي
انا اعرف أعالج نفسي
اتركوني.
قام راكان وعلى طول ركب السياره ومافيه ثواني إلا ابوه وراه.
وهم بالطريق دق جوال ابو راكان:
ابو راكان: الو .
خالد: هلا___ابو راكان.
ابو راكان: ايه نعم من معي.
خالد: معك خالد صديق ولدك راكان.
ابو راكان: هلا والله.
خالد: ابي اسالك راكان وش فيه مايرد هو تعبان ولا زعلان
ابيك تطمني عليه.
ابو راكان: والله هذا هو بجنبي كلمه.
خالد: مرحبا انت وينك.
راكان: انا طالع مع ابوي.
خالد: اقول ابيك بموضوع مهم
حيل.
راكان: اخلص قوله.
خالد: ماينفع هنا لازم اشوفك
عشان تعطيني البشاره لأن الموضوع يخص غاليه.
راكان: ايش ايش ايش
تعال للبيت بسرررعه انتضرك خلاص.
خالد: خلاص.
استغرب ابو راكان من صحوه ولده المفاجئه ......
وفعلا طلعوا للبيت وعلى طول جلس راكان بالدوانيه ينتضر فيها خالد....
دقايق إلا خالد عند الباب:
راكان: هلا خالد اخبارك.
خالد: انا تمام بس انت شلونك.
راكان: انا متعذب يا خالد حياتي صارت كلها احلام مرعبه وفوق كذا احس بألم ونار تحرق قلبي....
( نزل راسه وبكى )
انا انا ياخالد متندم من كل قلبي انا لازم اروح لغاليه وفهد ابيهم يسامحوني ابيهم يريحوني من العذاب اللي أنا فيه ابي اعيش مرتاح ... دعوه
غاليه ياخالد صابتني وجت بالقلب (شفتو ياناس دعوت المظلوم عند ربي مستجابه)المهم ياخالد انا لازم اتأسف.
خالد: اجل الخبر اللي جايبه لك راح يضايقك ما يفرحك.
راكان: ايه صح شنو البشاره والخبر اللي يخص غاليه.
خالد: راكان انت اكيد مانسيت هذاك اليوم.
راكان: اكيد ولا راح انساه.
خالد: في نفس اليوم اللي طلعنا حنا من بيتهم وبعد طلعتنا بساعه ماتت غاليه
وفيه ناس تقول انها ماتت مقهوره.
راكان: ( قام راكان ومسك خالد ووجهه غرقان بالدموع ويصارخ )
كله منك الله يلعنك انت السبب انت السبب الله لا يوفقك دم غاليه برقابنا.
ابو راكان سمع كلمه...
( دم غاليه برقابنا )
ودخل على طول وبعصبيه:
ابو راكان: اسمعوا ابي اعرف سالفتكم الحين ولا واحد راح يطلع إلا وأنا عارف كل شي
انتم فاهمين وأبي اعرف مني
غاليه اللي دمها برقابكم.
راكان: اسمــــــ.... آه آه آه
ابو راكان: راكان ولدي وش فيك تكلم.
خالد: مو وقتها يا عمي خلنا نشيله للمستشفى.
طاح راكان مغمي عليه.
على طول نقلوه للمستشفى
وقدر خالد انه يتهرب من اسئله ابو راكان بهروبه للبيت.
كان فهد جالس عند صاحب مكتب عقار... وطبعا سواها فهد ونوى انه يطلع من الحاره المشؤومه بوضع بيته عند صاحب المكتب.
وراح فهد وغادر فهد بيت ابوه واخته الغاليه اخته اللي ياما كان له ذكريات في هالبيت
.......
سافر فهد للدمام وباتصالات بين فهد وصديق قديم اسمه فارس .... قدر فارس انه يدبر شقه لفهد لاكن بعد ماشافو الاثنين ان اجار الشقه
غالي على فهد لانه لحاله
فأشار عليه فارس أنه يسكن بشقتهم اللي فيها اصدقاء فارس وقال فهد بقلبه ...
ومنه نتعرف على ناس في هالمدينه.
فهد....والدمام
عاش فهد أول يوم بالدمام بعد ماسوو له احلا عشا جماعي هم ثلاثه وفهد صار الرابع .....
تعرف فهد على فارس صديقه القديم وعلى ماجد وعلى جراح.
وكلهم اعمارهم متقاربه من بعض...
فارس: فهد انت الحين صرت واحد منا وفينا ولازم تعرف
ان الشباب مرحبين فيك.
فهد: الله يجزاك خير انت والشباب.
ماجد: العفو .... هذا واجبنا.
جراح: انت عزيز وغالي.
فهد: والله احرجتوني بكلامكم المعسول.
فارس: لا إحراج ولا شي.
فجأه كذا طلع ماجد زقاره وولعها .... وعبس وجهه فهد وحس بضيق.
فارس: شكلك تكره الدخان يا فهد.
فهد: هاه لا لا عادي.
ماجد: إلا شكلك تكرهه وهذي الزقاره وطفيناه.
فهد: يعطيك العافيه.
جراح: اقول وش رايكم نروح للسوق نتمشى في مجمع الراشد.
ماجد و فارس: قدااااااااام.
جراح: وش رايك فهد.
فهد: على راحتكم.
فارس اجل يالله مشينا.
جراح: هاه فهد وش رايك بهالمجمع.
فهد: والله شئ .
فارس: ههههههه شئ بس بلاك ماشفت شئ...ماشفت اللي بالمجمع.
طبعا اكيد راح يستغرب فهد وحب يعرف وش اللي بالمجمع ....... لأنه ما طلع على الدنيا ولا شاف شئ.
فجأه.....
جراح: هلا والله هلا وغلا وش هالدلع الله الله على
الرقه.....الله على العذوبه.
ماجد: لا لا شوي حاسبي وقفي قدامك شوكه ابغى ابعدها عنك يا روحي انتي.
البنت: يعني ما عندكم خوات ما عندكم أهل .
فارس: انتي أهلنا.
زعل فهد من كلام ربعه
وصاح بينهم: هيه عيب عليكم لهدرجه مافيه احترام ما فيه حيا استحو لعنبو داركم...البنت
من اليوم تقول ماعندكم خوات تبي تعلمكم انه مثل ماتسوون ببنات كذا راح يصير
بخواتكم كذا.....وانتم عارفين
هالشئ بس تجاهلونه .
استغربو من فهد وبدو يطالعون بفهد بنظرات غريبه
ومتفاجئه من اللي صار.
البنت: الحمدلله اللي طلع بينكم واحد يحس.
طبعا مشو مستغربين مصدومين من فهد ولا واحد رد على فهد ولا واحد تكلم عليه.
وفهد حس انه غلط عليهم خاصتا ان ماله يوم من تعرف عليهم معرفته كانت لفارس بس.
دخلو الشقه ساكتين ولاتكلمو
وكل من راح لمكان نومه إلا فهد جلس متندم على اللي قاله .... فجأه دخل عليه فارس وقال:
فارس: فهد امش معي .
فهد: وين تبي تروح.
فارس: ابيك تخاويني وابي اقولك موضوع.
فهد: طيب .
طلعو من الشقه وركبو السياره كانت الساعه وحده بالليل...
فارس: انت مو متندم على اللي قلته اليوم.
فهد: هاه....
فارس: فهد شوف اترك سوالف الرجال بمدينتك اللي جيت منه انت هنا بمدينه اللي مايغازل ولا يتحرش يقولون عنه خكري.... بعدين شوف غير هذا كله انت من بعد اليوم لك ثلاث خيارات الأول انك تطلع من شقتنا وتغادر وين ماغادرت وهذا انا ما اسمحلك فيه ... الثاني انك تسكت ولا تحرش فينا وتتركنا على راحتنا... الثالث انك تتبعنا وتمشي معنى... لاكن اهم شئ انك ما تتكلم على الشباب
فهد: لاكن فعلكم......
فارس: وش فيه فعلنا اسمعني يافهد وخذ كلامي قاعده انت جاي عند شباب
مو شياب ..... مو معقوله تدخل على رجال بدوي ويحط لك همبرقر ولا بروستد .... ولا تدخل على رجال امريكي ويحط لك كبسه .... ولا معقوله انك ترقص بعزا او تحزن بفرح....كل شي تعامل معه حسب الجو اللي انت عايشه ..... والجو اللي راح تعيشه انت معنا يحتم عليك تسكت وترضخ للأمر الواقع.
فهد: طيب يا فارس انا من بكرا راح اتأسف من الشباب.
جلس فهد بغرفته وغرفه فارس يتذكر الغاليه ويتذكر كلامها واحلى الايام معاها
الغاليه اللي تركت الدراسه عشان تربي فهد الغاليه ما فكرت بالزواج عشان فهد
الغاليه اللي أسرت حياتها عشان يتحرر فهد.
كل هذا كان يفكر فيه فهد
كل هذا كان يعذب فهد.
لاكن فهد قال في باله.....:
فهد: انا الحين معذب نفسي ليه انا حارم نفسي من السعاده ليه يعني عشان الغاليه ماتت ... لو أبي احزن كل العمر ماراح ترجع...
انا لازم اعيش عمري واستانس فيه لازم افرح فيه
لازم اشوف نفسي فيه ومن بكرا ابي ارجع للمكتب اللي حطيت البيت عنده اكيد انه لقى شراي للبيت وينتضرني ارجع.
قعد فهد من الصبح وعلى طول على المكتب....
فهد: هاه يبو سالم وش سويت بالبيت.
ابو سالم: والله البيت محد يبي يشتريه اللي اعرض عليه البيت من أهل الحاره يقعد يقول هذا بيت ابو فهد
مايسكن فيه غير راعيه...واللي من برى الحاره يتحججون بالكسور اللي فيه وأن البيت قديم مره.
فهد: اليه شكلها ما راح تضبط.
رجع فهد للدمام وجلس مع الشباب واعتذر منهم وقبلو اعتذاره .
بدا فهد يخفف من اهتمامه بالدروس حتى خلص
الثانويه بنسبه 76%
وبعد كذا حط الشهاده بالشنطه وسكر عليها يعني مو مهتم لها ولا مفكر فيها ابداا.
كبر فهد وصار عمره 24 سنه
وهو عايش مع فارس وربعه اللي كثر النمل كان فهد يوميا يشوف اشخاص غريبين
مع فارس.
فهد: اقول فروووس.
فارس: هلا.
فهد: ماعندك موعد او سرقه او جلسات ترى طالعه روحي والله.
فارس: قريب ياقلبي راح تشوف اللي يشرح الصدر
يفتح النفس ... بنت عز بنت
ولا أحلى
وباين عليها تبي......
فهد: تبي إيش...!
فارس: تبي إيش يعني مو عارف وش تبي.
فهد: ايه توي فهمت.
فارس: بس اسمع البنت هذي لك.
فهد: لي شلون يعني.
فارس: لك لحالك يعني حنى مانبي نجلس معاها.
فهد: ليه ماتبون.
فارس: بكيفنا بعدين تعال انت عمرك جلست مع بنت عمرك واجهت بنت.
فهد: لا.
فارس: خلاص حنا نبيك تاخذ راحتك ولا نبي نضايقك لأنها
راح تكون أول جلسه
لك بحياتك.
فهد: طيب يعطيكم العافيه على الاهتمام الزايد.
فارس: ههههههههههه
الله يعافيك.
فارس: الو مرحبا.
رهف: هلا فارس.
فارس: اسمعي ترا بكرا يبي يجي صديقي عندك ما أبيك تقصرين معه.
رهف: فارس اسمع انت عارف اذا المبلغ يستاهل ما راح اقصر ابد.
فارس: المبلغ معروف .
رهف: والشغل معروف.
فارس: طيب بكرا الساعه 11 بالليل يناسبك.
رهف: يناسبني.
فارس: خلاص بكرا هاه.
رهف: خلاص بكرا.
فارس: يالله باي حياتي.
رهف: باي.
فارس: عن اذنكم ياشباب ابي فهد.
الشباب: خذ راحتك.
فهد: هلا فارس.
فارس: شوف ترا البنت تقول بكرا انت جاهز...ولا نأجل.
فهد: لا لا لا تأجل ولا تقدم بكرا بكرا .
وصار بكرا وفهد مستانس مره
ومنتضر هاللحظه بفارق الصبر.
فارس: هذا بيت البنت يالله انا انتضر اتصالك .... بعدين لك ساعتين لا تأخر خلاص.
فهد: ساعتين هههههههههههه
اقول تعال الفجر.
فارس: ههههههههههههههههههه
اللي يريحك يافهد أنا تحت امرك.
نزل فهد واتصل عليها وطلب منها انه تفتح له الباب...دخل
ومشى ورا حرمه الى ان دخلته غرفه باااااارده مررررره
وأول ما جلس قدامه وشاف الحلا والزين طلعت بوجهه غاليه وهي تبكي.
فهد: غاليه ليه تبكين ..
غاليه: فهد انت تسوي كذا..
رهف: من تكلم فهد...!
فهد: غاليه أنا أنا ........
غاليه: أنت شنو تكلم انت ما تخاف ربك انت ما تخاف من عذاب الله للزاني يوم القيامه.
رهف: فهد من تكلم وليه تبكي.
فهد: اسكتي انتي مالك شغل.
رهف: شنو مالي شغل.
فهد: يووووووووه...انقلعي عني يا حيوانه.
طلع فهد يبكي وزعلان مره على اللي سواه ...
وجلس على الرصيف يكلم نفسه والدموع تغطي وجهه.
فهد: ليه كذا ليه انا اسوي كذا
انا بعد ما كنت ادعي على اللي زنوا بأختي اروح أنا وأزني بنات الناس .... أنا
اكيد مو بعقلي لاكن أوعدك ياغاليه ان هالمره هذي آخر مره.
غاليه:
(لاتخيب ظني فيك تكفى)
فهد: غاليه غاليه وين رحتي غاليه غاليه ردي علي تكفين
لا تخليني ........
وضل فهد يبكي حتى داخ وتعب ونام على الرصيف.
رهف: الو فارس انت وينك.
فارس: انا بالشقه ليه انتهيتو انتي وفهد.
رهف:هههههههههههه انتهينا.
فارس: ليه تضحكين.
رهف: انت مرسل لي طفل شكلك.
فارس: ليه شنو سوى.
رهف: اول ما دخل جلس يكلم نفسه ويقول غاليه ومدري ايش وبعدها قام يبكي وصارخ بوجهي وطلع.
فارس: متى طلع؟
رهف: صارله ساعتين.
فارس: أف ساعتين والحين تعلميني انتي غبيه تشوفينه
طلع متضايق .
رهف: الحين صارت براسي..!
فارس: انقلعي بس عني.
سكر فارس وعلى طول طلع يدور على فهد راح لبيت رهف
ولاكن مالقاه وقعد يفر حول البيت الى ان شاف رجال نايم على الرصيف وشك انه فهد وفعلا راح عليه وطلع فهد.
فارس: فهد فهد .
فهد: هأ هااااه غاليه اتركيني
نايم شوي.
فارس: غاليه... !! أخ لو أعرف منو هذي اللي تحلم فيها كان خذيتها منك بس ما أقول إلا قم يالله قم.
فهد: يووووه ياروحي خليني شوي.
فارس: روحي هاه اقول راحت روحك اقعد يالله انا فارس.
فهد: يوووووووه ابي انام .
فارس: انت ماينفع معك إلا الضرب.
وبعد كم كف من فارس قام فهد.
فهد: فارس انا وش جابني هنا.
فارس: وش جابك قول مني كرهتك برهف اللي ولا نانسي عجرم وخلتك تحلم فيها .
فهد: غاليه والله ياخوك.
فارس: تحبها.
فهد: احبها وشلون ماحبها مع انها راحت بس للحين عايشه
بقلبي.
فارس: خانتك وراحت .
فهد: إي والله هذي صارت أمي ابوي أخوي أختي صديقي كل شي يافارس.
فارس: طيب اللي يبيعك بيعه.
فهد: شنو.......!!!
فارس: اجلس خلني اكلمك
شوف يافهد الدنيا مليانه بنات
سوالف قبل حب وما حبيت غيرها لأ....لا تكذب على نفسك ... بعدين مثل ما خانتك وشافت طريقه انت رح شوف طريقك وأرجع لرهف واستانس وعيش حياتك
وشوف مختصر الكلام
البنت اذا عرفت انك تركض وراه ترفع خشمه عليك
اتركها طيعني.
فهد: منو اللي اتركها وخانتني
وغيرها كثير وترفع خشمه عليك انت وش فيك.
فارس: غاليه.
فهد: هذي اختي يافارس.
فارس: لاتشبه هذي بأختك.
فهد: فارس غاليه اختي من لحمي ودمي لا تصير غبي.
فارس: اختك طيب شلون خانتك وراحت.
فهد: اقصد ماتت وتركتني.
فارس: ماتت.
(بدا فهد يبكي وجهه انحاس)
فهد: ايه .
فارس: طيب وشلون ومن متى ماتت مقتوله او طبيعيه أو مرض أو إيش.
فهد: مقهوره.
فارس: مقهوره...!
فهد: ايه اسمع..................
فارس: ايه الله يرحمها وعسى الله لا يوفقهم .
فهد: امين يارب.
فارس: والله ما أقول إلا مشينا للشقه.
فهد: يالله.
راكان ..........
ام راكان: يبو راكان تكفى شوف حل لولدك له سبع سنين طايح بالفراش لايتحرك وأكل كل يومين او ثلاث ياكل هذى وحيدنا ليه ما تسوي شي.
ابو راكان: يا أم راكان كم مره اقول لك اللي براكان عقاب من الله ودعوه من مظلومه ... راكان وخالد دمرو عرض وشرف البنت وماتت مقهوره من غير دعوات اخوها
اللي ماندري وينه....وعشان كذا ولا دكتور وولا شيخ قدرو يشفونه بعد الله لاكن ادعي ان الله يجيب لنا فهد يمكن يسامح ولدي ويشفيه
انشاء الله.
ام راكان: انشاء الله.
راكان بغرفته كان يقول بقلبه:
آه آه يافهد وينك اختك يوميا تعطعني الف طعنه وطعنه بصدري تعال يا فهد تكفى تعال ... انا نادم يا فهد والله أني نادم تكفى يافهد تعال تكفى تعال.
دخل عليه ابوه وامه بعد ماسمعوا صراخه وشافو وجهه الغرقان بالدموع : ياولدي ياولدي ارحم نفسك ترا حرام اللي تسويه بنفسك هذا حرام
تبي اجيبلك فهد...يعني والله لو أعرف مكانه كان جبته لاكن مدري وينه.
خالد صديق راكان.......
ابو خالد: معقوله ليه يارب ليه بنتي تمسكها الهيئه بشقه دعاره يارب يارب لا تسخط علينا يارب .
ام خالد: طيب يبو خالد ليه ساجن خالد بالغرفه.
ابو خالد: خالد يبي يذبح اخته.
فجأه خالد بدا يضرب الباب قوه ويصارخ بأعلى صوته.
خالد: طلعوني طلعوني والله لأذبحها بنت الكلب طلعني انت طلعني عشان اذبح العاهره اللي ربيتها انت هذي تربيتك الخايسه انت مو كفو تصير اب
طلعني لا أكسر الباب وأذبحك معها.
ابو خالد: والله لعلمك الأدب ياكلب اكيد شارب من البطول اللي مقفل عليها بغرفتك وجالس تصايح بس انا اوريك.
اول ما فتح الباب على خالد سحب خالد السكين وطعن ابوه وراح على غرفت اخته بعد ما ضرب امه بيده وطاحت على الأرض .... فتح الباب على اخته وطعنها اربع طعنات
...هذا لأنه سكران...
وطلع من البيت يضحك ويصارخ ويقول:
خالد: ذبحت العائله اللي ماتعرف الاصول البنت عاهره
والاب يسجن ولده وش هالعائله لاكن انا ليه ضربت امي استغفرالله يارب سامحني لاكن ابوي واختي يستاهلون .... لازم ارجع اتأسف من أمي ... لا بس اكيد تبي تشتكي علي عند الاسعاف لأني ضربتها واكيد راح تزود كلام وتقول سبيتها
وطعنتها وموتها من الموت
انا عارفها امي كذابه تزود كلام خلها تنطق ببيت رجله.
ابو ابراهيم: تعال يالسكير.
خالد: وش وش تبي.
ابو ابراهيم: وش فيك تصارخ من اليوم.
خالد: امي زعلانه علي تدري ليه.
ابو ابراهيم: ليه.
خالد: لأني ضربتها ماتبيني اذبح السجان ابوي والعاهره اختي ههههههههههههههههههه
وش رايك بهالعائله والله عائله تفشل بس ما عليك ذبحتهم كلهم فشلونا ياخي.
ابو ابراهيم: لاحول ولاقوه إلا بالله ... امش معي ياخالد انت اكيد تبي بنات صح.
خالد: اي والله ابي ارتاح بس اسمع ابي وحده شريفه مو مثل اختي.
ابو ابراهيم وهو يبكي: طيب
الله يهديك بس امش الحين.
ومثل ماتوقعتو وداه للشرطه وعلمهم بالسالفه وراحت الشرطه للبيت ولقت الأم تصارخ وحاطه بنتها على صدر رجلها
وتبكي وتدعي على خالد.
حتى رجال الشرطه تأثرو وبعظهم بكى من صعب الموقف .
خالد بغرفه التحقيق بعد ما صحى:
خالد: انا اذبح ابوي واختي واضرب امي كل هذا صار بليله وحده وكل هذا بسبب الخمر وين اروح وين اروح من عذاب الله وين انا اسوي كذا وبأهلي ياويلي من جهنم
ياويلي.....
قطع كلامه دخول العسكري يقول بأن:
العسكري: ام خالد تبي تدخل على خالد وش رايك يا حضره الضابط.
صاح خالد بأعلى صوته
بعد ما غرق وجهه بالدموع:
امي لا إلا امي وين اودي وجهي عنها وين لا لا تخليها
تدخل تكفى .....
فجأه ....
شاف خالد مقص على مكتب الضابط وسحبه بسرعه وغرز المقص بصدره ....
مات خالد وهو بعز شبابه
بسبب الخمر ذبح ابوه وأخته
وانتحر بسبب الاحساس بالذنب
وبزعمه انه انتهى من عذاب الدنيا....
اتقو دعوه المظلوم...
سبحان الله دعوه كانت من كل قلب غاليه خلت راكان بمرض تعذيبي لاهو مرض بالسرطان
او بالإيدز او أي شي
مرض راكان كان مرض يعذبه
بكل الوقت يبكيه يحسسه بجميع انواع الألم...وخالد اللي الله مهله وعذبه عذاب سريع وبلحظات خلى خالد يذبح ابوه وأخته ويضرب امه واخر شي ينتحر عشان ينهي عذاب الدنيا.
اتقو دعوه المظلوم....
نرجع لفهد وشلته......
فهد: شوف يا فارس بنات ما ابي بنات انت فاهم خلنا بس على السرق خلاص.
فارس: انت صادق البنات نسنى ان ميزانيتنا قربت تعلن الافلاس.
فهد: طيب والدبره.
ماجد: فهد صادق نبي حل.
فارس: اتركوني كم يوم ادور لكم صيده...لاكن جراح ابي اعرف وهذه اول مره اسألك كم بقى عندك من فلوس السرقات.
جراح: بصراحه خمسه آلاف بس.
فهد: بصراحه ما تكفينى عشر ايام لازم نشد ياعيال وانت يافارس استعجل خلاص .
فارس: ابشر بعزك.
جراح: طيب ابي اكلمكم بموضوع ياشباب.
الشباب: تفضل.
جراح: الحين كم سنه وحنى نسرق.
فارس: خمس سنين.
جراح: وكم جمعنا...ولا ريال...
طيب تبون تضلون كل العمر حراميه ... اكيد لأ ... اذا ماتبون تضلون كل عماركم حراميه لازم تحتفضون بالفلوس اللي تجينا من ورى
السرقات عشان اذا جلسنا يكون عندنا ظهر نسوي فيه مشروع يغنينا عن حيات الرعب
هذي مو أحسن بالله.
فهد: أنا اشهد ان كلامك بمكانه.
ماجد: والله انك جبتها.
فارس: يعني موافقين على كلام جراح.
فهد و ماجد: موافقين.
مضى اسبوع وفارس يخطط هو واللي معه على بيت عائله
فوق الريح.
فهد: هاه فارس متى الموعد.
فارس: بكرا الساعه 1 بالليل.
ماجد: طيب انت متأكد من أهل البيت انهم يكونون نايمين مثل هالوقت.
فارس: عيب عليك انا دارس البيت اسبوعين ومن جميع النواحي ثق فيني
بعدين كلكم عارفين ان دراستي ما عمره خابت.
جراح: والله انا خايف من هالدراسه المره هذي.
فارس: ماتعودنا نخاف.
جراح: بس بصراحه انا خايف.
فهد: من شنو خايف.
جراح: مدري والغريبه اني أول مره أخاف.......وأنتم عارفين هالشئ.
ماجد: ماعليك يبو جاسم لا تخاف قو قلبك.
جراح: يصير خير.
قرب الموعد وجهزو اللبس والسياره والكل ظبط وضعه
ومشوا على البيت اللي ناوين سرقته.
فارس: فهد قبل لا توقف عند البيت زود بانزين السياره عشان الظروف اللي ماندري عنها والاحتياط واجب.
فهد: طيب طيب.
قربوا من البيت ووقفوا على بعد خمسين متر عن البيت
ونزلو بأتجاه البيت وبسرعه مفاجأه من ماجد قفز من فوق الجدار وأول واحد هو بعده على طول فهد وفارس وجراح
وفجأه طرت على فارس فكره خطيره وصعبه:
فارس وبصوت خفيف: هيه شباب ووقفوا ابيكم ... اسمعو
ادري من الصعب نغير الخطه لاكن شوفو انا اشوف ان هذه الخطه اكثر فايده لنا.
فهد: انت قايدنا وحنا تحت امرك.
ماجد: تكلم فارس الوقت مو من صالحنا.
فارس: شوفو نصحي اللي بالبيت كلهم ...(قعع كلامه جراح)
جراح: انت مو صاحي تبي تضيعنا.
فارس: قصر صوتك وخليني اكمل كلامي فاهم ولا لأ بعدين اذا خايف للحين تقدر ترجع فاهم......اسمعوا ياشباب ... نصحيهم ونجمعهم بالمطبخ واعطيكم معلومه تريحكم تراهم رجال بالاربعين من عمره وحرمه
وولد عمره بحدود سبع سنوات
والخدامه ... المهم بعد مانصحيهم ونجمعهم بالمطبخ تحت تهديد السلاح نطلع السكاكين عشان اي تدخل نضرب بالكتف لحد يقتل...
بعد كذا نمسك الطفل ونجربهم يطلعون الذهب وكل الفلوس اللي بالبيت وبعد كذا%
هذا الشاب نشأ في مدينة حفر الباطن واقتنع ان تسليتة التي تغنية عن اي صديق هي كتابة الروايات والقصص وهو في بداية عمره رغم الصعوبات التي يواجهها هذا الشاب الا انه استطاع ان يكرس معضم وقتة بكتابة القصص مع انه لازال يكمل دراستة الثانوية اتمنى من الله جل جلاله ان يوفقة ويمدة بقوة التعبير وايجاز جميل ...
اما الان اترككم مع قصة هذا الشاب التي تتكلم عن حياة شاب اسمه (فهد) يتيم مع اختة الغاليه (غالية) سترون في هذه القصة يااخواني حياة كثرة فيها العقبات والصعوبات والتحديات...
ياترا هل يستطيع غلب كل المصاعب وينشأ نشأه سليمة ام انه يستسلم للأمر الواقع
هذا ماسترونه الان...
- - - - - - -- - - - - - - - - - - - - - - - - - - - - - - - - - - - - - - -
?™'~، دMــعــه أمــلـ ،~'™?
تأليفـ...
_.:§[[ ما يكبرني لقب ]]§:._
دمعه أمل....
بسم الله الرحمن الرحيم
0000000000000000000000
فتحت عيوني على الدنيا من غير أم .... حرمت من السعاده
اللي يدورها كل طفل .... حرمت من الحنان .... حرمت من العيش وسط عائله .... حرمت من الاصدقاء .... حرمت
حرمت حرمت من كل شيئ حرمت.
ربتني اختي الكبيره غاليه
اللي تركت الدراسه من الصف السادس عشان تربيني
اسمها غاليه وكانت غاليه على قلبي.
غاليه: يالله فهودي نام عشان
بكرا اول يوم لك بالدراسه.
فهودي: مابي انا ابغى اسهر
معاك.
غاليه: فهد يالله قوم.
فهد: طيب طيب.
قمت زعلان وماخذ على خاطري من الغاليه.
غاليه: وين رايح.
رديت بعصبيه: ابي انام.
تظاهرت غاليه انها تبكي وقالت: افا تبي تزعلني.
وبعصبيه رديت: ليه ماسويت شئ.
غاليه: كيف تروح تنام من غير
لا تعطيني بوسه تبي تزعلني.
فهد: اووووووووه نسيت والله.
اختفت العصبيه وتظاهرت الابتسامه البريئه على وجهي
واحتضنت الغاليه بكل حب وغرام وعطيتها بوسه لاكنها
كالعاده تقول ابي احلا ابي احلا°°°°وانا بعد اضل ابوسها
وهي تظحك.
مشيت للغرفه وتركت ابوي واختي الغاليه:
غاليه: وشفيك من اليوم ساكت
فيك شي يبو فهد.
الوالد: اه يابنتي فهد كبر وانا على دراجه ما أقدر اتحرك واصرف عليه وعليك°°°°ما عندي إلا معاش الشؤن ولا يكفي.
غاليه: انا و فهد مو محتاجين شي°°°°لا تفكر وتنقل همنا
ريح بالك يالغالي.
الوالد: لا يا بنتي لا تكذبين على نفسك °°°°انتي عارفه
ان فهد كبر وراح تكثر طلباته
وانتي بعد طالعي يابنتي بنفسك لا لبس زين حتى ذهب
نفس باقي البنات ما عندك.
°°°°°°°°نزلت دمعه على خد
غاليه.....
غاليه: انا مو محتاجه الا لك يالغالي°°°°انت العضيد بعد الله°°°°انت الستر بعد الله°°°
انت نور البيت بعد الله°°°°لا ذهب الدنيا ولا فلوس الدنيا تغنينا عن شوفتك وضحكتك وعطفك علينا.
الوالد: يا بنتي انتي مافكرتي
اذا انا مت وين تروحين انتي
وفهد وش راح يصير بحالكم
بعدي فكري يابنتي للمستقبل
مو دايم غير الله.
غاليه: بعد الشر يبه لا تقول كذا.
الوالد: مودايم غير وجه الله
يابنتي.
°°°°°°°°
°°°°°°°°
بكت غاليه من كل قلبها وبعدها
قامت وحبت راس ابوها
وودته لغرفته .
راحت غاليه لغرفتها
واول ما نامت جاها حلم
واضح تفسيره:
حلمت انها تمشي بالبيت
مشي الضائع واللي موحاس بنفسه والبيت مضلم ماعدا لمبه
وحده منوره فجأه وبدون
سبب انكسرت اللمبه وطاحت كسرها على وجه غاليه
وبدأ ينزف وجه غاليه دم
ولاكن المصيبه ان ابواب وجدران وشبابيك البيت بدت تبكي°°°°°°°°حتى ان غاليه
بدت تبكي من بكاء البيت المحزن.
صحت غاليه بسبب صوت والدها اللي ينادي باسمها
°°°°غاليه°°°°
فزعت وركضت على ابوها
وهي تبكي وخايفه من حلمها
وحاسه ان الحلم هذا راح يتحقق°°°°
دخلت على ابوها:
غاليه: يبه وشفيك .
الوالد: صحي فهد ياغاليه.
غاليه: ليه يبه فيك شي.
الوالد وبصوت شاحب: صحيه
بسرررعه تكفين انا اترجاك.
اسرعت غاليه على غرفه فهد
والدموع على خدها.
سحبت فهد وشالته وقعدت تصارخ عليه وهو نايم
ليما قعد.
غاليه: هذا فهد.
بعد ما شاف وجه ابوه حس بخوف داخله طير النوم من عيونه وقال فهد والدموع على خده: يبه انا عارف وش تبي تقول تبي توصيني على غاليه لاكن انا ما يحتاج توصيني هذي الغاليه
هذي امي هذي اخوي هذي صديقي قبل لا تصير اختي
هذي اللي رعتني وانا راح احطها بعيوني.
قاطعته غاليه: انت شقاعد تقول .
الوالد: خليه يا غاليه الحين انا
اموووووووت وانا مرتاح.
اشهد ان لا اله الا الله
صاحت غاليه باعلى صوتها وهي تحرك كتوف ابوها وتنادي يبه إرجع وحست إن كل ما بالبيت يبكي معاها
وفهد طلع برا ودق الباب على جارهم ابو ابراهيم إمام المسجد وهو يصيح ويصارخ.
صار العزا ببيت ابو ابراهيم لان غاليه وفهد ما ذكر ابوهم ان لهم قرايب.
جت غاليه على صاله العزا للحريم وثنت على ركبها ونزلت راسها وقالت بنص الحريم وبصوت عالي وباكي:
راح العزيز وهلت عيوني مدامعها
راح الذي من عقب فرقاه
بنبتلي
وضلت تردده وتعيده الى ان شالنها الحريم وودنها غرفه النوم.
اما فهد فكان كلام الرجال
كانو مستغربين منه ما
بكى ولا نزلت دمعه من
عينه قدامهم.
كان صامد وخانق العبره
ولا يبي يبكي قدام الرجال
مع ان عمره سبع سنين.
مضى اسبوع على وفات
ابو فهد الله يرحمه
وبدا بالدوام فهد على طول
وهذا اللي خلى جيرانهم
تستغرب°°°°°°°°°°°°°°°°
لاكنهم عرفو ان فهد يبي يرفع راس ابوه ويعوض اخته عن حيات الشقى.
كان فهد أول مايطلع من المدرسه كان يركض على طول على البيت °°°° عشان
اخته لانه لحاله بالبيت °°°°
لا كن في يوم من الأيام جى على البيت ولقى سياره واقفه قدام بيتهم وفيه
رجال راكب داخل السياره
وكأنه ينتضر شي °°°° اسرع
فهد باتجاه السياره ومسك عصا وضرب زجاج السياره من الجنب على الخفيف:
الرجال: هلا فهد كيف حالك يا ولدي.
فهد: انت شعندك عند بيتنا وش
تبي.
الرجال: طيب ليه معصب بعدين انا قلتلك كيف الحال.
فهد: انا بخير بس ما قلتلي انت ليه واقف هنا.
الرجال: يا فهد انا جايب لكم اغراض انتم بحاجه لها.
عصب فهد وقال: حنا مو بحاجه صدقات لم اغراضك
وجزاك الله خير ولو سمحت
يا عمي ثاني مره لا تجيب
اشياء لنا °°°°°°°°
قاطعه الرجال وقال: يافهد
انت عارف انكم محتاجين بعدين من قال لك انها صدقات هذي عطيه او هديه ولا تدري سلف وإذا الله فرجها عليك
رجعها لي .
طلعت حرمه من باب بيت فهد
وركبت السياره ومشى الرجال
من غير لا يسمح لفهد انه يكمل او يقول اي شي .
دخل فهد معصب :
فهد: غاليه غاليه.
غاليه: هلا فهد وشفيك تصارخ عسى ما شر .
فهد: يعني ما تدرين
ليه تسمحين لهم ينزلون لنا هذي الاغراض انتي ما تدرين
انه عيب ولو كان ابوي عايش كان طردهم .
غاليه: طيب يا فهد هذا مو حرام °°°° بعدين انت عارف اننا محتاجين ولا انت ناسي انه لك ثلاث ايام تنام من غير عشى ولا اذا تعشيت ما تغديت
انت عارف يا فهد ان الشؤن بدت تنقص من المعاش وانت عارف ان راتب التقاعد راح يشيلونه فكر يافهد من وين
راح ناكل من وين راح نلبس
حتى المكيف ما نشغله إلا وقت النوم °°°° فكر يا فهد فكر.
فهد: انا راح اشتغل واصرف عليك.
غاليه: هذا اخر شي نفكر فيه
يافهد °°°° انت الحين تدرس وبعد ما تخلص انشاء الله فكر
بالشغل.
فهد: لا كن......
غاليه: لا يا فهد انا مابي شي
يشغلك انت عليك الدراسه
تكفى ترا انا كل املي بالله
ثم بك لا تخيب ظني فيك
يا فهد انا اترجاك.
( لا تخيب ظني
فيك انا اترجاك )
كانت كلمات غاليه مؤثره على
فهد وكبيره عليه لا كنه وقف وقال: طيب يالغاليه بإذن الله راح ارفع راسك قدام العالم
كلها.
سكت فهد لاكن بعد ما شاف
بين الاغراض ظرف مكتوب
عليه
( جمعيه من اصحاب الخير )
استغرب فهد وغاليه
لاكن حبو يشوفون وش
داخله°°°°°°°°
فتحوه وكان فهد منصدم
لأنه لقى داخله عشره الاف ريال
زعل فهد ونزل راسه
والغريب انه بكى
فهد الصغير اللي ما بكى
على موت ابوه بكى على
اللي موجود بالظرف
وحس ان كرامته
اهتزت
هذا كان تفكير الولد الصغير فهد°°°°°°°°°°°°°°°°°°°°
فهد: غاليه انا مو راضي عن اللي يصير.
غاليه: ولا انا.
فهد: يعني وصلت فيهم انهم يجمعون فلوس لنا°°°°ليه
انا ابي اعرف ليه يسون كذا معي يعني يبون يهزون كرامتي°°°°المشكله انا ما شكيت لهم لاكن ما اقول الا الله يهديكم.
غاليه: فهد لا تكدر خاطرك.
فهد: غاليه انا كرهت الحاره هذي وكرهت الناس اللي فيها.
سكت وتحمل فهد على الحاره
اللي ما حست انها تجرحه بعطاياها °°°°°°°° الى ان
صار عمر فهد 18
واخته الغاليه 25
وبدا فهد يعتمد على نفسه اكثر
ومع درجاته العاليه بالدراسه
قدر يحقق الاول على مدرسته
لا كن الحقد والحسد لازم
يكون موجود في قلب راكان
وخالد °°°°°°°°
°°°° راكان و خالد °°°°
راكان: والله قهر والله قهر.
خالد: راكان وش فيك معصب.
راكان: بعد تقول وش فيك.
خالد: اي تكلم تراك رفعت ضغطي خلص عاد.
راكان: فهد ياخالد فهد.
خالد: ههههههههههه فهد المسكين هذا لاعب فيك لعب.
راكان: خالد تكفى فكني انا لازم اذبح فهد اقطه بالبحر اي شي.
خالد: طيب ليه؟
راكان: ياخي غاثني ورافع ضغطي ويعني تراه تكانه
بس انا ابي اسوي فيه شي
اخليه يترك الدراسه .
خالد: طيب الفكره عندي
لاكن ابي اعرف السبب.
راكان: السبب واضح.
خالد: واضح....ماني فاهم.
راكان: ايه واضح.....الحقد
والكره والبغض وفوق هذا
كله احس اني ناقص اذا وقفت
قدامه والمشكله انه يتيم يعني
فيه نقص وانا اللي فلوس واحلى عيشه احس بالنقص
قدامه.
خالد: ههههههههه
بس كذا يا حليلك
لاكن ما عليك وش رايك باللي
يخليه يمشي بين الناس وهو
منزل راسه.
راكان: منزل راسه.....!!!
خالد: ايه نعم منزل راسه.
راكان: طيب وشلون.......؟
خالد: انا اقول لك وشلون.......
فهد: غاليه.
غاليه: هلا فهودي.
فهد: يالليل كم مره قايلك انا
كبرت لاتنادي باسم الدلع.
غاليه: تضل صغير تضل طفل
يما أشوف عيالك.
فهد: اف اف اف عيالي....!!!
انا توني بال18 يعني كبيره
علي كلمه عيال
بعدين انا ما اتزوج الا لما
اصير خال فاهمه ولا لا.
غاليه: ههههههههههههه
لا يا فهودي انا ما راح اتزوج
خلاص راحت علي
منو ياخذني وانا يتيمه وفقيره وعمري فوق25
فكر يا فهودي ترا الدنيا مو على الكيف.
فهد: اذا جاب الله نصيب محد يقدر يرده.
غاليه: حتى لو جى انا يكفيني افرح فيك.
فهد: مو بكيفك لازم تشوفين
نفسك وتعيشين مستقره.
صحى فهد على صلاة الفجر
وقام على طول وصلى بالمسجد ورجع سوى فطور وقعد اخته غاليه من النوم
وافطرو مع بعض وجلس شوي مع اخته بعدها رتب كتبه ولبس ملابسه وطلع على
المدرسه.......
خالد و راكان كانو واقفين بزاويه البيت واول ما شافو فهد مشى للمدرسه على طول
طمرو جدار البيت ....
وكان باب البيت الداخلي منتهي
مره يعني اي ضربه قويه يطيح .... بالفعل ضرب خالد برجله الباب وطاح على الارض
ودخلو البيت....
صاحت غاليه بعد ما سمعت ضربه الباب بأعلى صوتها
((( فهد )))
لاكن طلع بوجها راكان وقال فهد ما راح يسمعك يا حلوه.
غاليه: انتم وش تبون ( بدت
تبكي غاليه ) .
خالد: نبيك انتي انتي.
غاليه: الله يخليكم الله يخليكم
اطلعو خافو من الله خافو لا يبتليكم الله بخواتكم الله يخليكم.
راكان: لا تحاولين ياحلوه
انا اموت فيك اموت بحلاتك
وماني ماشي إلا وانا ماخذ حاجتي منك.
خالد: يالله ياشطوره.
غاليه: الله يخليكم
احب رجولكم اطلعوا
ما تخافون ان الله
يقبض ارواحكم خافو الله....
راكان: اقول اص ولا نفس
يالله يالله......
وفعلا بعد ماكانو اثنينهم على
غاليه انتهو من عملهم الشنيع
الساعه 11 الظهر ويشهد الله كانت غاليه تدفاع عن شرفها
بشتى الطرق لاكن ماقدرت ..
لاكن قبل لا يطلعون صاحت غاليه وجهها غرقان بالدموع:
غاليه:
(( روحو عسى الله عسى
القادر عسى الناصر عسى المنتقم ينتقم لي ويبتليكم
بأهلكم ومرض بقلوبكم وتذكرو دعوتي ))
انتفض جسم راكان وحس برعب وطلع على طول وهو
حاس داخل جسمه شئ ينهش
من لحمه وحس بألم كبير في
كل مكان بجسمه حس بعذاب
حس بحسره حس بندم ....
استغرب خالد من راكان وطلع
يركض وراه .....
حست غاليه بدوخه لاكنها قامت بكل ثقل وهي مو في بالها
غير فهد تعلمه ولا لا واذا علمته وش راح يصير بدراسته
وش راح يصير بحاله ويمكن
يعرفهم ويروح عليهم ويذبحونه ...
لاكن مو معقوله فهد ما يدري
وهم اكيد راح ينشرونها
ويفتخرون بفعلتهم
ووقتها راح يموت فهد من القهر ......
قطع تفكيرها صوت فهد
اللي ارعبها ولخبط كيانها
وحاس معالم وجهها:
فهد: غاليه الباب ليه مكسور
باين انه جايته ضربه قو.....
وشفيه شعرك منفوش ووومن
طاقك انتي باكيه يا غاليه.
غاليه: أ أ أ أ انا باكيه ايه طحت من الدرج وتعورت
وبكيت والباب مدري مدري
الباب طاح من حاله.
فهد: كذابه.
غاليه: هاه.
فهد: كذابه.
غاليه: بكت غاليه من كل قلبها
وبدت تصيح بصوت عالي
وهي مو بوعيها
( آه آه يافهد آه ياخوي )
انهزت مشاعر فهد وصاح بوجهها ليه يالغاليه تبكين
اذا تذكرتي ابوي ابكي ياغاليه واذا احد مزعلك او ضاربك فاعرفي والله انه ماراح يمر عليه الليل.
سكتت غاليه فجأه وقالت تذكرت ابوي.
فهد: كذابه.
غاليه: ايه يافهد تذكرت
ابوي عن اذنك ابي ارتاح بغرفتي.
قام فهد من عندها وهو مو مصدقها ابدا لاكنه قال يمكن
تعلمني بعدين .
راحت غاليه تبكي بحسره وألم وهي عارفه ان اللي قالته لفهد حتى الطفل مايصدقه
.... لاكن مع هذا كله
خافت غاليه خوف مو طبيعي
وحست برعب داخلها مو عارفه
من ايش بدت ترجف بمكانها
وتصيح بأعلى صوتها فهد فهد
اخوي فهد فهد رد علي لاتخليني انت العضيد بعد الله
فهد لاتترك الغاليه
فهد تكفى ياخوي
انا اختك انا امك....
جاها فهد مثل البرق :
فهد: غاليه وش فيك تكلمي.
غاليه: انا حاسه اني راح اموت
حاسه بنار تحرق صدري.
فهد: طلعي النار يالغاليه وحطيها بصدري شيلي الموت
واهديه لروحي
(بكى فهد وكمل)
انتي الوصيه انتي الوصيه ولازم احافض عليك.
غاليه: لا يا فهد انت تركتني
انت ذبحتني انت ماحافضت علي انت اهدرتني.
فهد: انا ليه .....
غاليه: انا ابي اقول اللي صار قبل لا أموت.
فهد: انتي شتقولين انتي انجنيتي....
غاليه: اسكت واسمع.....
اليوم يوم رحت انت للمدرسه
بعد خروجك من البيت انكسر الباب واللي كسروه اثنين بعمرك ودخلو علي وضربوني
لأني رفضت طلبهم وحاولت والله ابعدهم عني لاكن ما قدرت وفعلا ياخوي قدرو علي وسوو سواتهم عسى الله ينتقم منهم...
فهد: غاليه انتي شتقولين
تمزحين ولا شلون ابي اعرف
تكلمي....
غاليه: آه ياخوي والله مو...
مو...
مو...
فهد....
( لا تخيب ظني فيك تكفى )
اشهد ان لا إله إلا الله
وأشهد ان محمد رسول الله
ماتت غاليه مقهوره
صاح فهد بأعلى صوته
الغاليه لا تروحين تكفين عيشي وشوفي اخوك وش راح يصير غاليه تكفين غاليه
ردي علي غاليه يمه يمه
غاليه يمه ردي علي انا ولدك يمه حرام عليك
رديــــــــــــ......
لاااااا
الله يلعنكم ..... الله يبتليكم
الله يحط بقلوبكم مرض
الله يحط بقلوبكم مرض
الله يحط بقلوبكم مرض
الله يحط بقلوبكم مرض
طلع جارهم ابو ابراهيم على صياح فهد مرعوب ويطق الباب كل ماعنده يطق حتى طلعو اغلب رجال الحاره وتجمعو عنده تحت الشمس الحارقه
لاكنهم ما استغربو لانهم سمعوا صوت فهد يوم قربو من البيت.......
فتح الباب فهد وهو شايل غاليه طلع وهو يصيح ويدعي
(الله يحط بقلوبكم مرض)
ثنى على ركبه بين الرجال
وصاح:
آآآه آآآه ياقهر
(الله يحط بقلوبكم مرض)
ابو ابراهيم: ياولدي ارحم نفسك والله يرحم اختك
بعدين منو اللي تدعي عليهم
اكيد هم اللي ذبحو اختك.
فهد: ماتت امي ماتت مقهوره
ماتت الغاليه....
وصلت الشرطه والإسعاف لأن واحد من الرجال اتصل عليهم.....
وبعد صراع وبصعوبه
قدرو رجال الشرطه والإسعاف انهم ياخذو جثمان
المرحومه من بين ايادي فهد....
عاش فهد متعذب عاش حزين
ويأس من الحياه اللي عذبته
كان يجلس بغرفه الغاليه
ايام ودمعته بعينه وهو لام ملابسها على قلبه وهو عايش
مع الماضي وناسي الحاضر
وناسي دراسته اللي ماطرت
على باله....
فجأه .... وبعد مرور شهر كامل من حزن فهد وجلسته داخل البيت اندق الباب:
فهد: طيب.
فتح الباب إلا خويه الروح بالروح سعد:
فهد: هلا سعد وش عندك جاي.
سعد: وش عندي جاي...!! والله
جاي اطالع فيك وامشي....
اقول وخر عن الباب لا بقس على جبهتك الحين.
فهد: سعد والله ماني رايق لك.
سعد: ليه الأخت حامل ولا ايش.
فهد: سعد يرحم والديك اسكت.....
دف الباب سعد ودخل ومسك فهد مع كتوفه وجره معه ودخله البيت وجلسو بالدوانيه....(مجلس الرجال)
سعد: وش فيك.
فهد:........
سعد: رد وش فيك.
فهد:........
سعد: فهد الموت حق وانا اخوك كلنا راح نموت لاكن هذا ما يعني ان اللي بقى يموت نفسه عشانهم .... لأ ... لازم نكمل مسيره حياتنا صح نزعل وصح نبكي لاكن مو على طول الدهر حتى الله يغضب علينا لأنا بهالطريقه نكون ممن اعترض على فعل الله صح كلامي ولا مو صح.
فهد:........
سعد: وبعدين.....
تبي تضل ساكت .
فهد: غاليه يا سعد غاليه ما خذه كل تفكيري ما اقدر اسوي شي إلا وغاليه بين عيوني .... وابوي يعاتبني ويقول ما صنت الأمانه يافهد
غاليه ياسعد ماتت بسبتي انا
الغلطان انا السبب انا اللي تركتهم انا اللي طلعت وتركتها بين ايدينهم المتوحشه انا
السبب....
سعد: وش قاعد تقول تركت منو ومتوحش منو...فهد غاليه
توفت وفاه طبيعيه هذا اللي صار.
فهد: لأ...
( نزل راسه وبكى )
غاليه ماتت مقهوره.
سعد: من شنو مقهوره.
قال فهد قصه اخته مع اللي اغتصبوها.
سعد: لا حول ولا قوه إلا بالله.
فهد: شفت انه انا السبب.
سعد: لا يا فهد انت مالك ذنب
انت لو تدري كان دافعت عنها
لاكنك ماتدري واللي ضرو غاليه ما راح ينساهم الله
حسابهم عند الله...
لاكن يافهد انت لازم تنفذ وصيه اختك.
فهد: اي وصيه...!
سعد: مو تقول قبل لا تموت قالت لك...
( تكفى لا تخيب ظني فيك )
خلاص ارفع راسها وراس ابوك واذا تبي ترفع روسهم لازم تكمل دراستك وتنجح وتشتغل وتكون بيت انت فاهم
ولا لا ... انا ارجوك يافهد
انت ناسي غلاتك عندي ولا ناسي اني مارديت لك طلب
لا تردني يا فهد.
فهد: هااااه ايه انشاء الله.
سعد: طيب انا اترخص وابي امرك بكرا نروح للمدرسه.
فهد: خلاص ابشر.
عائله ابو راكان
ابو راكان: ياولدي وش فيك
قولي وش فيك من اسبوعين
ما فارقت فراشك فيك شي
قول انا ابوك .... تكلمي
يا أم راكان قولي شي مو بس تبكين عليه.
ام راكان: وش اقول ولدي صايبته عين ولا سحر... انت لازم توديه للشيخ.
الأب: هذا اللي ابي اسويه.
وفعلا خذوه للشيخ:
الشيخ: وش فيه ولدكم.
الأب: ياشيخ ولدي من قبل اسبوعين جى على البيت يرجف ويصيح ويقول
(اتركيني يا غاليه)
وبعدها طاح على الأرض
ويديناه للمستشفيات ولا نفع
وبعدها سكت فجأه وصار يبكي وهو يضرب على قلبه
ويقول اتركيني يا غاليه.
الشيخ: طيب مني غاليه.
الأب: مدري والله.
الشيخ: راكان ياولدي منو غاليه.
راكان:....
قام الشيخ يبي يقرا عليه.
راكان: لاتقوم اللي فيني دعوه وصابت قلبي دعوه صابتني من فعل ايديني
انا اللي جاب لنفسه هذا العذاب انا اللي ضر نفسه
بنفسه لا تحاولون علاجي
انا اعرف أعالج نفسي
اتركوني.
قام راكان وعلى طول ركب السياره ومافيه ثواني إلا ابوه وراه.
وهم بالطريق دق جوال ابو راكان:
ابو راكان: الو .
خالد: هلا___ابو راكان.
ابو راكان: ايه نعم من معي.
خالد: معك خالد صديق ولدك راكان.
ابو راكان: هلا والله.
خالد: ابي اسالك راكان وش فيه مايرد هو تعبان ولا زعلان
ابيك تطمني عليه.
ابو راكان: والله هذا هو بجنبي كلمه.
خالد: مرحبا انت وينك.
راكان: انا طالع مع ابوي.
خالد: اقول ابيك بموضوع مهم
حيل.
راكان: اخلص قوله.
خالد: ماينفع هنا لازم اشوفك
عشان تعطيني البشاره لأن الموضوع يخص غاليه.
راكان: ايش ايش ايش
تعال للبيت بسرررعه انتضرك خلاص.
خالد: خلاص.
استغرب ابو راكان من صحوه ولده المفاجئه ......
وفعلا طلعوا للبيت وعلى طول جلس راكان بالدوانيه ينتضر فيها خالد....
دقايق إلا خالد عند الباب:
راكان: هلا خالد اخبارك.
خالد: انا تمام بس انت شلونك.
راكان: انا متعذب يا خالد حياتي صارت كلها احلام مرعبه وفوق كذا احس بألم ونار تحرق قلبي....
( نزل راسه وبكى )
انا انا ياخالد متندم من كل قلبي انا لازم اروح لغاليه وفهد ابيهم يسامحوني ابيهم يريحوني من العذاب اللي أنا فيه ابي اعيش مرتاح ... دعوه
غاليه ياخالد صابتني وجت بالقلب (شفتو ياناس دعوت المظلوم عند ربي مستجابه)المهم ياخالد انا لازم اتأسف.
خالد: اجل الخبر اللي جايبه لك راح يضايقك ما يفرحك.
راكان: ايه صح شنو البشاره والخبر اللي يخص غاليه.
خالد: راكان انت اكيد مانسيت هذاك اليوم.
راكان: اكيد ولا راح انساه.
خالد: في نفس اليوم اللي طلعنا حنا من بيتهم وبعد طلعتنا بساعه ماتت غاليه
وفيه ناس تقول انها ماتت مقهوره.
راكان: ( قام راكان ومسك خالد ووجهه غرقان بالدموع ويصارخ )
كله منك الله يلعنك انت السبب انت السبب الله لا يوفقك دم غاليه برقابنا.
ابو راكان سمع كلمه...
( دم غاليه برقابنا )
ودخل على طول وبعصبيه:
ابو راكان: اسمعوا ابي اعرف سالفتكم الحين ولا واحد راح يطلع إلا وأنا عارف كل شي
انتم فاهمين وأبي اعرف مني
غاليه اللي دمها برقابكم.
راكان: اسمــــــ.... آه آه آه
ابو راكان: راكان ولدي وش فيك تكلم.
خالد: مو وقتها يا عمي خلنا نشيله للمستشفى.
طاح راكان مغمي عليه.
على طول نقلوه للمستشفى
وقدر خالد انه يتهرب من اسئله ابو راكان بهروبه للبيت.
كان فهد جالس عند صاحب مكتب عقار... وطبعا سواها فهد ونوى انه يطلع من الحاره المشؤومه بوضع بيته عند صاحب المكتب.
وراح فهد وغادر فهد بيت ابوه واخته الغاليه اخته اللي ياما كان له ذكريات في هالبيت
.......
سافر فهد للدمام وباتصالات بين فهد وصديق قديم اسمه فارس .... قدر فارس انه يدبر شقه لفهد لاكن بعد ماشافو الاثنين ان اجار الشقه
غالي على فهد لانه لحاله
فأشار عليه فارس أنه يسكن بشقتهم اللي فيها اصدقاء فارس وقال فهد بقلبه ...
ومنه نتعرف على ناس في هالمدينه.
فهد....والدمام
عاش فهد أول يوم بالدمام بعد ماسوو له احلا عشا جماعي هم ثلاثه وفهد صار الرابع .....
تعرف فهد على فارس صديقه القديم وعلى ماجد وعلى جراح.
وكلهم اعمارهم متقاربه من بعض...
فارس: فهد انت الحين صرت واحد منا وفينا ولازم تعرف
ان الشباب مرحبين فيك.
فهد: الله يجزاك خير انت والشباب.
ماجد: العفو .... هذا واجبنا.
جراح: انت عزيز وغالي.
فهد: والله احرجتوني بكلامكم المعسول.
فارس: لا إحراج ولا شي.
فجأه كذا طلع ماجد زقاره وولعها .... وعبس وجهه فهد وحس بضيق.
فارس: شكلك تكره الدخان يا فهد.
فهد: هاه لا لا عادي.
ماجد: إلا شكلك تكرهه وهذي الزقاره وطفيناه.
فهد: يعطيك العافيه.
جراح: اقول وش رايكم نروح للسوق نتمشى في مجمع الراشد.
ماجد و فارس: قدااااااااام.
جراح: وش رايك فهد.
فهد: على راحتكم.
فارس اجل يالله مشينا.
جراح: هاه فهد وش رايك بهالمجمع.
فهد: والله شئ .
فارس: ههههههه شئ بس بلاك ماشفت شئ...ماشفت اللي بالمجمع.
طبعا اكيد راح يستغرب فهد وحب يعرف وش اللي بالمجمع ....... لأنه ما طلع على الدنيا ولا شاف شئ.
فجأه.....
جراح: هلا والله هلا وغلا وش هالدلع الله الله على
الرقه.....الله على العذوبه.
ماجد: لا لا شوي حاسبي وقفي قدامك شوكه ابغى ابعدها عنك يا روحي انتي.
البنت: يعني ما عندكم خوات ما عندكم أهل .
فارس: انتي أهلنا.
زعل فهد من كلام ربعه
وصاح بينهم: هيه عيب عليكم لهدرجه مافيه احترام ما فيه حيا استحو لعنبو داركم...البنت
من اليوم تقول ماعندكم خوات تبي تعلمكم انه مثل ماتسوون ببنات كذا راح يصير
بخواتكم كذا.....وانتم عارفين
هالشئ بس تجاهلونه .
استغربو من فهد وبدو يطالعون بفهد بنظرات غريبه
ومتفاجئه من اللي صار.
البنت: الحمدلله اللي طلع بينكم واحد يحس.
طبعا مشو مستغربين مصدومين من فهد ولا واحد رد على فهد ولا واحد تكلم عليه.
وفهد حس انه غلط عليهم خاصتا ان ماله يوم من تعرف عليهم معرفته كانت لفارس بس.
دخلو الشقه ساكتين ولاتكلمو
وكل من راح لمكان نومه إلا فهد جلس متندم على اللي قاله .... فجأه دخل عليه فارس وقال:
فارس: فهد امش معي .
فهد: وين تبي تروح.
فارس: ابيك تخاويني وابي اقولك موضوع.
فهد: طيب .
طلعو من الشقه وركبو السياره كانت الساعه وحده بالليل...
فارس: انت مو متندم على اللي قلته اليوم.
فهد: هاه....
فارس: فهد شوف اترك سوالف الرجال بمدينتك اللي جيت منه انت هنا بمدينه اللي مايغازل ولا يتحرش يقولون عنه خكري.... بعدين شوف غير هذا كله انت من بعد اليوم لك ثلاث خيارات الأول انك تطلع من شقتنا وتغادر وين ماغادرت وهذا انا ما اسمحلك فيه ... الثاني انك تسكت ولا تحرش فينا وتتركنا على راحتنا... الثالث انك تتبعنا وتمشي معنى... لاكن اهم شئ انك ما تتكلم على الشباب
فهد: لاكن فعلكم......
فارس: وش فيه فعلنا اسمعني يافهد وخذ كلامي قاعده انت جاي عند شباب
مو شياب ..... مو معقوله تدخل على رجال بدوي ويحط لك همبرقر ولا بروستد .... ولا تدخل على رجال امريكي ويحط لك كبسه .... ولا معقوله انك ترقص بعزا او تحزن بفرح....كل شي تعامل معه حسب الجو اللي انت عايشه ..... والجو اللي راح تعيشه انت معنا يحتم عليك تسكت وترضخ للأمر الواقع.
فهد: طيب يا فارس انا من بكرا راح اتأسف من الشباب.
جلس فهد بغرفته وغرفه فارس يتذكر الغاليه ويتذكر كلامها واحلى الايام معاها
الغاليه اللي تركت الدراسه عشان تربي فهد الغاليه ما فكرت بالزواج عشان فهد
الغاليه اللي أسرت حياتها عشان يتحرر فهد.
كل هذا كان يفكر فيه فهد
كل هذا كان يعذب فهد.
لاكن فهد قال في باله.....:
فهد: انا الحين معذب نفسي ليه انا حارم نفسي من السعاده ليه يعني عشان الغاليه ماتت ... لو أبي احزن كل العمر ماراح ترجع...
انا لازم اعيش عمري واستانس فيه لازم افرح فيه
لازم اشوف نفسي فيه ومن بكرا ابي ارجع للمكتب اللي حطيت البيت عنده اكيد انه لقى شراي للبيت وينتضرني ارجع.
قعد فهد من الصبح وعلى طول على المكتب....
فهد: هاه يبو سالم وش سويت بالبيت.
ابو سالم: والله البيت محد يبي يشتريه اللي اعرض عليه البيت من أهل الحاره يقعد يقول هذا بيت ابو فهد
مايسكن فيه غير راعيه...واللي من برى الحاره يتحججون بالكسور اللي فيه وأن البيت قديم مره.
فهد: اليه شكلها ما راح تضبط.
رجع فهد للدمام وجلس مع الشباب واعتذر منهم وقبلو اعتذاره .
بدا فهد يخفف من اهتمامه بالدروس حتى خلص
الثانويه بنسبه 76%
وبعد كذا حط الشهاده بالشنطه وسكر عليها يعني مو مهتم لها ولا مفكر فيها ابداا.
كبر فهد وصار عمره 24 سنه
وهو عايش مع فارس وربعه اللي كثر النمل كان فهد يوميا يشوف اشخاص غريبين
مع فارس.
فهد: اقول فروووس.
فارس: هلا.
فهد: ماعندك موعد او سرقه او جلسات ترى طالعه روحي والله.
فارس: قريب ياقلبي راح تشوف اللي يشرح الصدر
يفتح النفس ... بنت عز بنت
ولا أحلى
وباين عليها تبي......
فهد: تبي إيش...!
فارس: تبي إيش يعني مو عارف وش تبي.
فهد: ايه توي فهمت.
فارس: بس اسمع البنت هذي لك.
فهد: لي شلون يعني.
فارس: لك لحالك يعني حنى مانبي نجلس معاها.
فهد: ليه ماتبون.
فارس: بكيفنا بعدين تعال انت عمرك جلست مع بنت عمرك واجهت بنت.
فهد: لا.
فارس: خلاص حنا نبيك تاخذ راحتك ولا نبي نضايقك لأنها
راح تكون أول جلسه
لك بحياتك.
فهد: طيب يعطيكم العافيه على الاهتمام الزايد.
فارس: ههههههههههه
الله يعافيك.
فارس: الو مرحبا.
رهف: هلا فارس.
فارس: اسمعي ترا بكرا يبي يجي صديقي عندك ما أبيك تقصرين معه.
رهف: فارس اسمع انت عارف اذا المبلغ يستاهل ما راح اقصر ابد.
فارس: المبلغ معروف .
رهف: والشغل معروف.
فارس: طيب بكرا الساعه 11 بالليل يناسبك.
رهف: يناسبني.
فارس: خلاص بكرا هاه.
رهف: خلاص بكرا.
فارس: يالله باي حياتي.
رهف: باي.
فارس: عن اذنكم ياشباب ابي فهد.
الشباب: خذ راحتك.
فهد: هلا فارس.
فارس: شوف ترا البنت تقول بكرا انت جاهز...ولا نأجل.
فهد: لا لا لا تأجل ولا تقدم بكرا بكرا .
وصار بكرا وفهد مستانس مره
ومنتضر هاللحظه بفارق الصبر.
فارس: هذا بيت البنت يالله انا انتضر اتصالك .... بعدين لك ساعتين لا تأخر خلاص.
فهد: ساعتين هههههههههههه
اقول تعال الفجر.
فارس: ههههههههههههههههههه
اللي يريحك يافهد أنا تحت امرك.
نزل فهد واتصل عليها وطلب منها انه تفتح له الباب...دخل
ومشى ورا حرمه الى ان دخلته غرفه باااااارده مررررره
وأول ما جلس قدامه وشاف الحلا والزين طلعت بوجهه غاليه وهي تبكي.
فهد: غاليه ليه تبكين ..
غاليه: فهد انت تسوي كذا..
رهف: من تكلم فهد...!
فهد: غاليه أنا أنا ........
غاليه: أنت شنو تكلم انت ما تخاف ربك انت ما تخاف من عذاب الله للزاني يوم القيامه.
رهف: فهد من تكلم وليه تبكي.
فهد: اسكتي انتي مالك شغل.
رهف: شنو مالي شغل.
فهد: يووووووووه...انقلعي عني يا حيوانه.
طلع فهد يبكي وزعلان مره على اللي سواه ...
وجلس على الرصيف يكلم نفسه والدموع تغطي وجهه.
فهد: ليه كذا ليه انا اسوي كذا
انا بعد ما كنت ادعي على اللي زنوا بأختي اروح أنا وأزني بنات الناس .... أنا
اكيد مو بعقلي لاكن أوعدك ياغاليه ان هالمره هذي آخر مره.
غاليه:
(لاتخيب ظني فيك تكفى)
فهد: غاليه غاليه وين رحتي غاليه غاليه ردي علي تكفين
لا تخليني ........
وضل فهد يبكي حتى داخ وتعب ونام على الرصيف.
رهف: الو فارس انت وينك.
فارس: انا بالشقه ليه انتهيتو انتي وفهد.
رهف:هههههههههههه انتهينا.
فارس: ليه تضحكين.
رهف: انت مرسل لي طفل شكلك.
فارس: ليه شنو سوى.
رهف: اول ما دخل جلس يكلم نفسه ويقول غاليه ومدري ايش وبعدها قام يبكي وصارخ بوجهي وطلع.
فارس: متى طلع؟
رهف: صارله ساعتين.
فارس: أف ساعتين والحين تعلميني انتي غبيه تشوفينه
طلع متضايق .
رهف: الحين صارت براسي..!
فارس: انقلعي بس عني.
سكر فارس وعلى طول طلع يدور على فهد راح لبيت رهف
ولاكن مالقاه وقعد يفر حول البيت الى ان شاف رجال نايم على الرصيف وشك انه فهد وفعلا راح عليه وطلع فهد.
فارس: فهد فهد .
فهد: هأ هااااه غاليه اتركيني
نايم شوي.
فارس: غاليه... !! أخ لو أعرف منو هذي اللي تحلم فيها كان خذيتها منك بس ما أقول إلا قم يالله قم.
فهد: يووووه ياروحي خليني شوي.
فارس: روحي هاه اقول راحت روحك اقعد يالله انا فارس.
فهد: يوووووووه ابي انام .
فارس: انت ماينفع معك إلا الضرب.
وبعد كم كف من فارس قام فهد.
فهد: فارس انا وش جابني هنا.
فارس: وش جابك قول مني كرهتك برهف اللي ولا نانسي عجرم وخلتك تحلم فيها .
فهد: غاليه والله ياخوك.
فارس: تحبها.
فهد: احبها وشلون ماحبها مع انها راحت بس للحين عايشه
بقلبي.
فارس: خانتك وراحت .
فهد: إي والله هذي صارت أمي ابوي أخوي أختي صديقي كل شي يافارس.
فارس: طيب اللي يبيعك بيعه.
فهد: شنو.......!!!
فارس: اجلس خلني اكلمك
شوف يافهد الدنيا مليانه بنات
سوالف قبل حب وما حبيت غيرها لأ....لا تكذب على نفسك ... بعدين مثل ما خانتك وشافت طريقه انت رح شوف طريقك وأرجع لرهف واستانس وعيش حياتك
وشوف مختصر الكلام
البنت اذا عرفت انك تركض وراه ترفع خشمه عليك
اتركها طيعني.
فهد: منو اللي اتركها وخانتني
وغيرها كثير وترفع خشمه عليك انت وش فيك.
فارس: غاليه.
فهد: هذي اختي يافارس.
فارس: لاتشبه هذي بأختك.
فهد: فارس غاليه اختي من لحمي ودمي لا تصير غبي.
فارس: اختك طيب شلون خانتك وراحت.
فهد: اقصد ماتت وتركتني.
فارس: ماتت.
(بدا فهد يبكي وجهه انحاس)
فهد: ايه .
فارس: طيب وشلون ومن متى ماتت مقتوله او طبيعيه أو مرض أو إيش.
فهد: مقهوره.
فارس: مقهوره...!
فهد: ايه اسمع..................
فارس: ايه الله يرحمها وعسى الله لا يوفقهم .
فهد: امين يارب.
فارس: والله ما أقول إلا مشينا للشقه.
فهد: يالله.
راكان ..........
ام راكان: يبو راكان تكفى شوف حل لولدك له سبع سنين طايح بالفراش لايتحرك وأكل كل يومين او ثلاث ياكل هذى وحيدنا ليه ما تسوي شي.
ابو راكان: يا أم راكان كم مره اقول لك اللي براكان عقاب من الله ودعوه من مظلومه ... راكان وخالد دمرو عرض وشرف البنت وماتت مقهوره من غير دعوات اخوها
اللي ماندري وينه....وعشان كذا ولا دكتور وولا شيخ قدرو يشفونه بعد الله لاكن ادعي ان الله يجيب لنا فهد يمكن يسامح ولدي ويشفيه
انشاء الله.
ام راكان: انشاء الله.
راكان بغرفته كان يقول بقلبه:
آه آه يافهد وينك اختك يوميا تعطعني الف طعنه وطعنه بصدري تعال يا فهد تكفى تعال ... انا نادم يا فهد والله أني نادم تكفى يافهد تعال تكفى تعال.
دخل عليه ابوه وامه بعد ماسمعوا صراخه وشافو وجهه الغرقان بالدموع : ياولدي ياولدي ارحم نفسك ترا حرام اللي تسويه بنفسك هذا حرام
تبي اجيبلك فهد...يعني والله لو أعرف مكانه كان جبته لاكن مدري وينه.
خالد صديق راكان.......
ابو خالد: معقوله ليه يارب ليه بنتي تمسكها الهيئه بشقه دعاره يارب يارب لا تسخط علينا يارب .
ام خالد: طيب يبو خالد ليه ساجن خالد بالغرفه.
ابو خالد: خالد يبي يذبح اخته.
فجأه خالد بدا يضرب الباب قوه ويصارخ بأعلى صوته.
خالد: طلعوني طلعوني والله لأذبحها بنت الكلب طلعني انت طلعني عشان اذبح العاهره اللي ربيتها انت هذي تربيتك الخايسه انت مو كفو تصير اب
طلعني لا أكسر الباب وأذبحك معها.
ابو خالد: والله لعلمك الأدب ياكلب اكيد شارب من البطول اللي مقفل عليها بغرفتك وجالس تصايح بس انا اوريك.
اول ما فتح الباب على خالد سحب خالد السكين وطعن ابوه وراح على غرفت اخته بعد ما ضرب امه بيده وطاحت على الأرض .... فتح الباب على اخته وطعنها اربع طعنات
...هذا لأنه سكران...
وطلع من البيت يضحك ويصارخ ويقول:
خالد: ذبحت العائله اللي ماتعرف الاصول البنت عاهره
والاب يسجن ولده وش هالعائله لاكن انا ليه ضربت امي استغفرالله يارب سامحني لاكن ابوي واختي يستاهلون .... لازم ارجع اتأسف من أمي ... لا بس اكيد تبي تشتكي علي عند الاسعاف لأني ضربتها واكيد راح تزود كلام وتقول سبيتها
وطعنتها وموتها من الموت
انا عارفها امي كذابه تزود كلام خلها تنطق ببيت رجله.
ابو ابراهيم: تعال يالسكير.
خالد: وش وش تبي.
ابو ابراهيم: وش فيك تصارخ من اليوم.
خالد: امي زعلانه علي تدري ليه.
ابو ابراهيم: ليه.
خالد: لأني ضربتها ماتبيني اذبح السجان ابوي والعاهره اختي ههههههههههههههههههه
وش رايك بهالعائله والله عائله تفشل بس ما عليك ذبحتهم كلهم فشلونا ياخي.
ابو ابراهيم: لاحول ولاقوه إلا بالله ... امش معي ياخالد انت اكيد تبي بنات صح.
خالد: اي والله ابي ارتاح بس اسمع ابي وحده شريفه مو مثل اختي.
ابو ابراهيم وهو يبكي: طيب
الله يهديك بس امش الحين.
ومثل ماتوقعتو وداه للشرطه وعلمهم بالسالفه وراحت الشرطه للبيت ولقت الأم تصارخ وحاطه بنتها على صدر رجلها
وتبكي وتدعي على خالد.
حتى رجال الشرطه تأثرو وبعظهم بكى من صعب الموقف .
خالد بغرفه التحقيق بعد ما صحى:
خالد: انا اذبح ابوي واختي واضرب امي كل هذا صار بليله وحده وكل هذا بسبب الخمر وين اروح وين اروح من عذاب الله وين انا اسوي كذا وبأهلي ياويلي من جهنم
ياويلي.....
قطع كلامه دخول العسكري يقول بأن:
العسكري: ام خالد تبي تدخل على خالد وش رايك يا حضره الضابط.
صاح خالد بأعلى صوته
بعد ما غرق وجهه بالدموع:
امي لا إلا امي وين اودي وجهي عنها وين لا لا تخليها
تدخل تكفى .....
فجأه ....
شاف خالد مقص على مكتب الضابط وسحبه بسرعه وغرز المقص بصدره ....
مات خالد وهو بعز شبابه
بسبب الخمر ذبح ابوه وأخته
وانتحر بسبب الاحساس بالذنب
وبزعمه انه انتهى من عذاب الدنيا....
اتقو دعوه المظلوم...
سبحان الله دعوه كانت من كل قلب غاليه خلت راكان بمرض تعذيبي لاهو مرض بالسرطان
او بالإيدز او أي شي
مرض راكان كان مرض يعذبه
بكل الوقت يبكيه يحسسه بجميع انواع الألم...وخالد اللي الله مهله وعذبه عذاب سريع وبلحظات خلى خالد يذبح ابوه وأخته ويضرب امه واخر شي ينتحر عشان ينهي عذاب الدنيا.
اتقو دعوه المظلوم....
نرجع لفهد وشلته......
فهد: شوف يا فارس بنات ما ابي بنات انت فاهم خلنا بس على السرق خلاص.
فارس: انت صادق البنات نسنى ان ميزانيتنا قربت تعلن الافلاس.
فهد: طيب والدبره.
ماجد: فهد صادق نبي حل.
فارس: اتركوني كم يوم ادور لكم صيده...لاكن جراح ابي اعرف وهذه اول مره اسألك كم بقى عندك من فلوس السرقات.
جراح: بصراحه خمسه آلاف بس.
فهد: بصراحه ما تكفينى عشر ايام لازم نشد ياعيال وانت يافارس استعجل خلاص .
فارس: ابشر بعزك.
جراح: طيب ابي اكلمكم بموضوع ياشباب.
الشباب: تفضل.
جراح: الحين كم سنه وحنى نسرق.
فارس: خمس سنين.
جراح: وكم جمعنا...ولا ريال...
طيب تبون تضلون كل العمر حراميه ... اكيد لأ ... اذا ماتبون تضلون كل عماركم حراميه لازم تحتفضون بالفلوس اللي تجينا من ورى
السرقات عشان اذا جلسنا يكون عندنا ظهر نسوي فيه مشروع يغنينا عن حيات الرعب
هذي مو أحسن بالله.
فهد: أنا اشهد ان كلامك بمكانه.
ماجد: والله انك جبتها.
فارس: يعني موافقين على كلام جراح.
فهد و ماجد: موافقين.
مضى اسبوع وفارس يخطط هو واللي معه على بيت عائله
فوق الريح.
فهد: هاه فارس متى الموعد.
فارس: بكرا الساعه 1 بالليل.
ماجد: طيب انت متأكد من أهل البيت انهم يكونون نايمين مثل هالوقت.
فارس: عيب عليك انا دارس البيت اسبوعين ومن جميع النواحي ثق فيني
بعدين كلكم عارفين ان دراستي ما عمره خابت.
جراح: والله انا خايف من هالدراسه المره هذي.
فارس: ماتعودنا نخاف.
جراح: بس بصراحه انا خايف.
فهد: من شنو خايف.
جراح: مدري والغريبه اني أول مره أخاف.......وأنتم عارفين هالشئ.
ماجد: ماعليك يبو جاسم لا تخاف قو قلبك.
جراح: يصير خير.
قرب الموعد وجهزو اللبس والسياره والكل ظبط وضعه
ومشوا على البيت اللي ناوين سرقته.
فارس: فهد قبل لا توقف عند البيت زود بانزين السياره عشان الظروف اللي ماندري عنها والاحتياط واجب.
فهد: طيب طيب.
قربوا من البيت ووقفوا على بعد خمسين متر عن البيت
ونزلو بأتجاه البيت وبسرعه مفاجأه من ماجد قفز من فوق الجدار وأول واحد هو بعده على طول فهد وفارس وجراح
وفجأه طرت على فارس فكره خطيره وصعبه:
فارس وبصوت خفيف: هيه شباب ووقفوا ابيكم ... اسمعو
ادري من الصعب نغير الخطه لاكن شوفو انا اشوف ان هذه الخطه اكثر فايده لنا.
فهد: انت قايدنا وحنا تحت امرك.
ماجد: تكلم فارس الوقت مو من صالحنا.
فارس: شوفو نصحي اللي بالبيت كلهم ...(قعع كلامه جراح)
جراح: انت مو صاحي تبي تضيعنا.
فارس: قصر صوتك وخليني اكمل كلامي فاهم ولا لأ بعدين اذا خايف للحين تقدر ترجع فاهم......اسمعوا ياشباب ... نصحيهم ونجمعهم بالمطبخ واعطيكم معلومه تريحكم تراهم رجال بالاربعين من عمره وحرمه
وولد عمره بحدود سبع سنوات
والخدامه ... المهم بعد مانصحيهم ونجمعهم بالمطبخ تحت تهديد السلاح نطلع السكاكين عشان اي تدخل نضرب بالكتف لحد يقتل...
بعد كذا نمسك الطفل ونجربهم يطلعون الذهب وكل الفلوس اللي بالبيت وبعد كذا%